Psonm 51:14 - Labib An Kreol Seselwa

¹⁴ Mon Bondye! Sov mon lavi. Mon Bondye! Ou menm mon liberater. Alor, dan lazwa, mon ava proklanm ou delivrans.

Psonm 51:14 ပူးပေါင်းရင်းမြစ်များ

Zenez 42:22

Riben ti dir zot, “Pa mon ti dir zot pa fer ditor sa garson? Me zot pa ti oule ekoute. La aprezan nou bezwen rann kont pour son disan.”

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

2 Samyel 12:9

Akoz ou'n mepriz parol SENYER, e fer sa ki i pa kontan? Ou'n touy Iri sa Hitit par lepe; ou'n pran son fanm pour fer li vin ou fanm; ou'n aranze pour fer bann Amonit touy Iri par lepe.

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

2 Samyel 3:28

Plitar ler David ti antann sa, i ti dir, “Mwan avek mon rwayonm, mon inosan pour lanmor Abner, garson Ner.

Esdras 9:13

Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Psonm 25:5

Gid mwan, ansenny mwan dan ou laverite. Ou menm Bondye ki sov mwan. Mon kont lo ou tou le zour.

Psonm 26:9

Pa balye mwan ansanm avek bann peser; pa fer mwan mor parey bann kriminel.

Psonm 35:28

Alor, mon pou fer konnen koman ou fidel. Mon labous ava proklanm ou lazistis tou le zour.

Psonm 38:22

SENYER! Mon Sover. Pa tarde pou sekour mwan.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Psonm 88:1

SENYER, Bondye mon Sover! Lizour, lannwit mon kriy ver ou.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezekyel 33:8

Si mon dir en malfeter ki i pou mor e ou pa averti li, si ou pa demann li sanz son lavi, sa zonm pou mor akoz son fot. Me ou, mon pou rann ou responsab son lanmor.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Akt de Zapot 18:6

Me akoz bann Zwif ti opoz li e ensilte li, i ti sekwe lapousyer son lenz kont zot. I ti dir zot, “Si zot pa ganny sove, i ava par zot prop lafot. Mwan, mon pa responsab. Apartir ozordi mon pou al ver bann non-Zwif.”

Akt de Zapot 20:26

Pour sa rezon, mon dir zot ozordi, si okenn parmi zot i arive perdi, mon pa responsab.

Romen 10:3

Dan zot linyorans lazistis Bondye, zot in esey rod fason pour etablir zot prop lazistis. Zot in refize soumet zot anba lazistis Bondye.