Psonm 51:10 - Labib An Kreol Seselwa

¹⁰ Mon Bondye! Kree dan mwan en leker pir; Redonn mwan en lespri nouvo.

Psonm 51:10 ပူးပေါင်းရင်းမြစ်များ

Psonm 24:4

Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Psonm 35:10

Dan pli profon mon leker, mon pou dir: SENYER! Napa personn parey ou! Ou protez sa enn ki feb, kont sa enn ki for. Ou protez sa enn ki pov e ki ganny imilye, kont sa bann ki eksplwat li.

Psonm 73:1

Wi! Bondye i bon anver Izrael; anver dimoun avek en leker pir.

Psonm 78:37

Zot leker pa ti vreman atase avek li. Zot pa ti reste fidel anver son lalyans.

Psonm 78:8

Alor, zot pa pou devre fer parey zot bann zanset ki ti en zenerasyon rebel e dezobeisan, ki zanmen ti vreman met zot konfyans dan Bondye. Zot lespri pa ti fidel avek Bondye.

Proverb 20:9

Lekel ki kapab dir: Mon leker i kler; mon pa'n komet okenn pese?

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Ezekyel 11:19

Mon pou donn zot tou en menm leker. Mon pou met dan zot en nouvo lespri. Mon pou retir dan zot, sa leker ros e donn zot en leker laser.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Ezekyel 36:37

La sa ki Senyer BONDYE i deklare: La sa ki mon pou fer: Mon pou les pep Izrael vin rod ankor mon led, pour mwan azir dan zot faver; mon pou ogmant zot popilasyon e fer li vin nonbre parey mouton dan en troupo.

Matye 5:8

Byennere bann ki annan leker pir, akoz zot pou war Bondye!

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Kolosyen 3:10

Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Let Zak 1:8

Annefe, sa dimoun pa konnen kwa ki i pou swazir; i enserten dan sa ki i fer.

Zozye 14:14

Hebron in reste ziska ozordi posesyon bann desandan Kaleb, garson Yefoune, ki sorti dan klan bann Kenizit, akoz i ti fidel anver SENYER, Bondye Izrael.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.