Psonm 50:16 - Labib An Kreol Seselwa

¹⁶ Me Bondye i demann sa malfeter: Akfer ou repet mon bann komannman e gard mon lalyans lo ou labous,

Psonm 50:16 ပူးပေါင်းရင်းမြစ်များ

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Proverb 26:7

En proverb dan labous en fou, i osi feb ki lazanm sa enn ki bwete.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Ezai 48:22

SENYER i deklare: Napa lape pour dimoun ki move.

Ezekyel 18:27

Si o kontrer, en move dimoun i abandonn son bann move pratik pour azir dapre lalwa e fer sa ki byen, i ava sov son lavi.

Levanzil dapre Zan 4:24

Bondye i Lespri e tou dimoun ki ador li, i devre ador li gide par Lespri e dan laverite.”

1 Korentyen 9:27

Mon tret mon lekor severman, e mon gard li anba en kontrol strik, pour ki apre ki mon'n pres avek lezot, mwan menm mon pa ganny diskalifye.

Ebre 8:9

I pa pou parey sa lalyans ki mon ti fer avek zot zanset, zour ki mon ti atrap zot lanmen, e fer zot sorti dan pei Lezip. Akoz zot pa ti fidel anver mon lalyans, mon pa ti pran ka avek zot, Senyer i deklare.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.