Psonm 50:10 - Labib An Kreol Seselwa

¹⁰ Annefe, tou bann zannimo lafore ek bann troupo ki dan laplenn lo montanny i pour mwan.

Psonm 50:10 ပူးပေါင်းရင်းမြစ်များ

Zenez 2:19

Alor, avek later, SENYER Bondye ti form tou bann zannimo ek tou zwazo. I ti anmenn zot kot zonm pour li donn zot en non. Konmsa, tou et vivan ava port non ki zonm ava donn li.

Zenez 31:9

Se dan sa fason ki Bondye in pran troupo zot papa e in donn mwan.

Zenez 8:17

Fer sorti tou bann diferan lespes zannimo ki avek ou, bann zwazo ek tou bann pti bebet, pour ki zot ava reprodwir partou lo later e ranpli later.”

Psonm 104:14

Ou fer zerb pouse pour nouri betay; ou fer pouse bann plant pour imen ganny dekwa manze:

Psonm 24:1

Later avek tou son larises, lemonn avek tou son bann zabitan i pour SENYER.

Danyel 2:38

Bondye in met dan ou lanmen tou bann imen, dan nenport landrwa kot zot reste. I'n donn ou dominasyon lo tou bann zannimo sovaz, ek bann zwazo dan lesyel. Ou ki sa latet annor.

Zonas 4:11

Eski mwan, mon pa devre pran pitye pour Niniv, sa gran lavil ki annan plis ki 120,000 zabitan inosan ki pa konn zot lanmen drwat avek zot lanmen gos, ensi ki en kantite zannimo?”