Psonm 5:9 - Labib An Kreol Seselwa

⁹ Okenn laverite pa sorti dan zot labous; zot leker i ranpli avek destriksyon; zot lagorz i en tonbo ouver; zot lalang i koz zis flatri.

Psonm 5:9 ပူးပေါင်းရင်းမြစ်များ

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Psonm 27:11

SENYER! Montre mwan ou semen. Akoz mon bann lennmi, kondwir mwan lo en semen san danze.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Psonm 52:2

Tou lazournen, ou fer konplo zis pou detri; ou envant mansonz.

Psonm 62:4

Zot mazin zis sali loner en dimoun enportan. Zot plezir i dan mansonz; zot dir zoli parol avek zot labous, me dan fon zot leker zot modi li.

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Psonm 64:6

Zot prepar zot bann move kou. Zot dir: Nou'n byen kalkil nou plan. Lekel ki kapab konn profonder leker imen?

Psonm 69:19

Ou konn bann lensilt ki mon gannyen, mon laont ek mon dezoner; ou konn tou mon bann lennmi.

Proverb 29:5

Sa enn ki flat son vwazen pe plas en latrap anba son lipye.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Levanzil dapre Lik 11:39

Me Senyer ti dir li, “Zot bann Farizyen, zot netway lakoup ek pla an deor, me anndan zot ranpli avek lavaris ek mesanste.

Levanzil dapre Lik 11:44

Maler lo zot ki parey bann latonm san mark: Dimoun i mars lo la san konnen.”

Romen 3:13

Zot lagorz i koman en latonm ouver. Zot servi zot lalang pour tronpe. Sa ki sorti ant zot lalev, i en venen serpan.

1 Tesalonisyen 2:5

Zot konnen ki nou pa'n zanmen servi bann parol flater. Bondye i nou temwen, nou pa'n esey tronp zot avek larzan.