Psonm 5:10 - Labib An Kreol Seselwa

¹⁰ Mon Bondye! Fer zot peye. Fer zot tonbe par zot prop plan; rezet zot akoz zot kantite pese e akoz zot in rebel kont ou.

Psonm 5:10 ပူးပေါင်းရင်းမြစ်များ

2 Samyel 15:31

Zot ti raport avek David, “Ahitofel i osi avek Absalon parmi bann ki ti fer konplo.” David ti priye, “SENYER tourn bann konsey Ahitofel an ridikil.”

2 Samyel 17:14

Absalon ek tou Izraelit ki ti la, ti dir, “Konsey Housai i pli bon ki pour Ahitofel.” SENYER ti'n deside pour fer tonbe tou bon konsey Ahitofel, e konmsa anmenn maler lo Absalon.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

2 Kronik 25:16

Me letan i ti pe koze lerwa ti demann li, “Lekel ki'n nonm ou konseye lerwa? Arete si ou pa oule lanmor.” Profet pa ti ensiste, me i ti dir, “Mon konnen ki Bondye in deside detri ou pour sa ki ou'n fer e ou pa'n ekout mon konsey.”

Ester 7:10

Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Psonm 10:15

Kas lebra bann malfeter. Fer zot pey pour tou zot bann move aksyon, ziska ki zot disparet devan ou.

Psonm 107:11

Zot ti'n rebel kont komannman Bondye e rezet konsey sorti kot Bondye Toupwisan.

Psonm 17:13

Leve SENYER! Konfront zot. Fer zot tonbe. Avek ou lepe, liber mwan kont mon bann lennmi.

Psonm 31:18

Ferm labous sa bann manter ki koz avek ensolans, avek larogans ek mepri kont bann ki zis.

Psonm 35:26

Fer sa bann ki kontan mon maler kanmi e onte. Ki sa bann ki montre larogans i ganny kouver avek laont ek dezoner.

Psonm 55:15

Mon swet lanmor lo mon bann lennmi. Fer zot desann vivan dan lemonn lanmor! Annefe, mesanste i dan zot lakaz e dan zot leker.

Psonm 66:7

Par son lafors, i gouvern pour touzour; i gard son lizye lo bann nasyon. Pa les bann rebel fer vantar.

Psonm 71:13

Fer dimoun ki akiz mwan tonbe e ganny kouver ek laont; e sa bann ki rod mon maler tonm dan dezoner ek imilyasyon!

Psonm 79:12

Bann pep vwazen in ensilte ou, SENYER. Fer zot pey set fwa bann lensilt ki zot in fer ou.

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

1 Korentyen 3:19

akoz lasazes dapre lemonn i en lafoli devan Bondye. Annefe, Lekritir in deklare: Bann saz i ganny atrape dan zot prop trik.

Deterononm 2:30

Me Sihonn, lerwa Hesbonn, pa ti les nou travers son pei. Annefe, SENYER, zot Bondye ti fer zot vin antete e andirsi son leker pour li livre zot anba ou pouvwar parey i ete ziska ozordi.

1 Samyel 25:29

Si en dimoun i pourswiv ou e rod touy ou, SENYER ou Bondye, ava gard ou lavi presyezman. Me i ava zet lavi ou bann lennmi lwen, konmsi en ros dan en fles.

1 Samyel 25:39

Ler David ti aprann lanmor Nabal, i ti dir, “Mon remersye SENYER ki vanz pour mwan kont bann lensilt Nabal. I'n anpes mwan fer sa ki mal, e i'n fer bann mesanste Nabal retonm lo son prop latet.” Apre sa, David ti anvoy demann Abigail si i ava aksepte marye avek li.