Psonm 49:6 - Labib An Kreol Seselwa

⁶ Zot met zot konfyans dan zot larzan; zot fer vantar avek zot gran larises.

Psonm 49:6 ပူးပေါင်းရင်းမြစ်များ

Ester 5:11

Haman ti rakont zot splander son larises, kantite garson ki i annan e bann loner ki lerwa in fer li avek son promosyon ki plas li par lao bann o zofisye ek bann minis dan lakour lerwa.

Psonm 112:7

Move nouvel pa fer li per; son leker i reste trankil. I met son konfyans dan SENYER.

Psonm 112:8

Son leker i trankil, i pa per. I annan lasirans ki i pou war lanmor son ladverser.

Psonm 52:7

Get li sa zonm ki pa'n pran Bondye pour protekter, me ki'n fye lo son gran larises e ki'n depann lo son bann krim!

Psonm 56:5

Tou le zour zot tourmant mwan avek parol blesan. Zot mazin zis fer mwan ditor.

Psonm 56:7

Fer zot peye pour sa bann krim. Mon Bondye! Dan ou lakoler, kraz sa bann zans.

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Proverb 10:15

Bann byen en ris i son lavil fortifye; me lanmizer en pov i lakoz son larin.

Proverb 11:28

Sa enn ki met son konfyans dan son larises pou tonbe; me sa enn ki zis, pou devlope parey feyaz.

Proverb 23:5

Ler ou lev lizye pour get larises, in fini ale; en kou an gran, i'n ganny lezel, parey en leg, in anvole ver lesyel.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Oze 12:8

Efraim i dir: Mon ris, mon'n fer en fortin. Me mon pa'n fer nanryen mal; mon pa'n fer okenn fot ki en pese.

Mark 10:24

Bann disip ti etonnen par sa bann parol. Me Zezi ti dir zot ankor, “Mon bann zanfan! Koman i vreman difisil pour antre dan Rwayonm Bondye!

Levanzil dapre Lik 12:19

Apre, mon ava dir dan mwan menm: Rekolt ki ou'n anmase i ase pour plizyer lannen. Alor, repoz ou, manze, bwar e anmize!

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.