Psonm 47:9 - Labib An Kreol Seselwa

⁹ Tou sef bann nasyon in rasanble avek pep Bondye Abrahanm. Tou pouvwar ki lo later i sorti kot Bondye. I par lao tou.

Psonm 47:9 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 72:11

Tou bann lerwa ava prostern devan li e tou bann nasyon ava servi li.

Psonm 89:18

SENYER i nou protekter; li menm ki Sen dan Izrael, li menm nou lerwa.

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Egzod 3:6

I ti azoute, “Mwan menm Bondye ou papa, Bondye Abrahanm, Bondye Izaak e Bondye Zakob.” Moiz ti kouver son figir akoz i ti per pour regard Bondye.

Proverb 30:5

Tou bann Parol Bondye in ganny teste. I en boukliye pour sa enn ki pran refiz kot li.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Matye 22:32

Mwan menm Bondye Abrahanm, Bondye Izaak e Bondye Zakob. Bondye pa Bondye bann mor, me Bondye bann vivan.”

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.