Psonm 47:8 - Labib An Kreol Seselwa

⁸ Bondye i renny lo bann nasyon; in asiz lo son tronn sakre.

Psonm 47:8 ပူးပေါင်းရင်းမြစ်များ

1 Kronik 16:31

Lesyel! Rezoui. Later! Selebre. Dir parmi bann nasyon: SENYER i lerwa!

Psonm 110:6

I pou ziz bann nasyon. Kadav i partou. Partou lo later, bann sef i ganny touye.

Psonm 48:1

SENYER i gran. Dan lavil nou Bondye, son montanny sakre, i merit tou louanz.

Psonm 89:14

Lazistis ek ladrwatir i fondasyon ou tronn. Fidelite ek lwayote i mars devan ou.

Psonm 9:4

Annefe, la lo ou tronn, ou rann en zizman ki zis e ou'n donn mwan rezon.

Psonm 93:1

SENYER i lerwa, in anvlope dan mazeste; i antoure avek lafors.

Psonm 94:20

Ki mannyer zot kapab konplis avek sa bann ziz kriminel ki servi lalwa pour kree lanmizer?

Psonm 96:10

Al anons avek bann nasyon: SENYER i Lerwa! Lemonn i solid; i pa pou bouze. SENYER i ziz bann pep avek drwatir.

Psonm 97:1

SENYER i lerwa! Later i rezoui! Bann zil i dan lazwa!

Psonm 99:1

SENYER i lerwa. Bann pep! Tranble. Son tronn i par lao bann seriben. Later! Sekwe.

Psonm 99:2

SENYER i gran dan Zerizalenm; i domin tou bann pep.

Zakari 14:9

Alor, SENYER ava vin lerwa partou lo later. Sa zour, zis SENYER ki pou ganny adore koman Bondye.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.