Psonm 47:2 - Labib An Kreol Seselwa

² SENYER, Bondye Treo i formidab. I en gran lerwa lo later antye.

Psonm 47:2 ပူးပေါင်းရင်းမြစ်များ

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Psonm 145:6

Ou pwisans formidab pou ganny proklanmen e mon pou rakont ou bann mervey.

Psonm 47:7

Bondye i lerwa later antye. Sant en zoli psonm pour loue li.

Psonm 65:5

Mon Bondye, nou Sover! Ou bann gran mervey i delivrans pour nou. Ou menm lespwar bann zabitan later e atraver lanmer, ziska bann zil lwenten.

Psonm 68:35

Bondye i formidab dan son sanktyer. Li, Bondye Izrael, i donn son pep pouvwar ek lafors. Loue Bondye!

Psonm 76:12

I abes lorgey bann sef, i met lafreyer dan bann lerwa lo later.

Psonm 95:3

SENYER i en gran Bondye; i en gran Lerwa par lao tou bann bondye.

Psonm 99:3

Loue son non ki gran e formidab. SENYER, i sen.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.