Psonm 45:8 - Labib An Kreol Seselwa

⁸ Ou lenz i santi loder lesans aloes ek kannel. Depi dan ou pale dekore avek livwar, zoli lanmizik i fer ou lazwa.

Psonm 45:8 ပူးပေါင်းရင်းမြစ်များ

1 Rwa 22:39

Leres bann Aksyon Akab, tou sa ki i'n fer, pale livwar ki i'n konstri, tou bann lavil fortifye, tousala in ganny ekri dan liv Listwar bann Lerwa Izrael.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 150:4

Loue li avek lanmizik tanbouren ek ladans! Loue li lo bann sitar ek laflit!

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 45:15

Ler zot antre dan pale lerwa, bann sanson lazwa i akonpanny zot.

Kantik Salomon 1:13

Mon byenneme i parey en bouke parfimen ki repoz lo mon pwatrin.

Kantik Salomon 1:3

Ou bann parfen i santi bon. Ou sedwir mwan parey en parfen. Pour sa rezon ki bann zenn fiy i kontan ou.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Kantik Salomon 4:6

Avan ki soley i leve e fernwanr i disparet, mon pou depese pour al lo montanny lamir ek kolin lansan.

Kantik Salomon 5:1

Mon pti ser! Mon fiyanse! Mon'n vin dan mon zarden! Mon vin rekolte mon lamir ek mon zepis. Mon manz mon gof dimyel. Mon bwar mon diven ek mon dile. Zanmi! Manze! Bwar! Soul ou avek lanmour.

Kantik Salomon 5:13

Son lazou i parey en kwen dan en zarden plante avek bann zarbis parfimen. Son lalev i parey fler lis ki pe distil lamir.

Kantik Salomon 5:5

Mon leve pour ouver laport pour mon byenneme. Ler mon met mon lanmen ek mon ledwa lo pwannyen laport, zot vin mouye avek lamir.

Amos 3:15

Mon pou detri zot bann rezidans liver ek zot bann pale lete. Mon pou detri tou sa bann pale ki'n ganny dekore avek livwar. Tou sa bann gran lakaz pou disparet. SENYER ki deklare.

Matye 2:11

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.

Levanzil dapre Zan 14:2

I annan bokou landrwa reste dan lakaz mon Papa. Si sa pa ti vre, eski mon ti ava dir zot, mon pe al prepar en plas pour zot?

Levanzil dapre Zan 19:39

Nikodenm osi, sa zonm ki en fwa ti al war Zezi dan lannwit, ti vini e i ti anmenn apepre trant kilo en melanz lamir ek aloes.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.