Psonm 45:5 - Labib An Kreol Seselwa

⁵ Ou bann dart i byen fite pour pers leker ou bann lennmi. Bann nasyon i tonbe anba ou.

Psonm 45:5 ပူးပေါင်းရင်းမြစ်များ

Psonm 21:12

Ou ava tir ou bann fles kont zot, e fer zot sove.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 38:2

Ou'n transpers mwan avek ou bann dart, ou lanmen in kraz mwan.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Nonm 24:8

Bondye in fer zot sorti Lezip; i annan lafors en toro sovaz. I ti devor bann nasyon lennmi; kraz zot lezo e atak zot avek bann fles.

Akt de Zapot 2:37

Kan zot ti antann sa bann parol, zot ti trouble en kantite, e zot ti demann Pyer ek lezot zapot, “Frer! Ki nou devre fer?”

Akt de Zapot 2:41

Bokou parmi zot ti krwar dan sa mesaz e ti aksepte pour ganny batize. Sa zour la, anviron 3,000 dimoun ti vin zwenn avek zot.

Akt de Zapot 4:4

Me bokou parmi bann ki ti'n antann sa mesaz ti krwar, e lakantite krwayan ti ariv anviron 5,000 zonm.

Akt de Zapot 5:14

Pli ale, en pli gran kantite dimoun, zonm ek fanm, ti krwar dan Senyer.

Akt de Zapot 5:33

Ler zot ti antann sa, bann manm Konsey ti pran en gran lakoler. Zot ti deside pour touy bann zapot.

Akt de Zapot 6:7

Parol Bondye ti kontinyen fannen; lakantite disip ti ogmant vit dan Zerizalenm. En gran kantite pret ti aksepte krwar dan Zezi.

Akt de Zapot 7:54

Kan zot ti antann sa bann parol, bann manm Konsey ti pran en gran lakoler, e zot ti grens zot ledan kont Etyenn.