Psonm 42:9 - Labib An Kreol Seselwa

⁹ Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 42:9 ပူးပေါင်းရင်းမြစ်များ

Psonm 13:1

Ziska kan SENYER, ou pou oubliy mwan? Pour touzour? Ziska kan ou pou kasyet ou figir avek mwan?

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 28:1

SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.

Psonm 38:6

Mon kourbe avek douler; mon plere tou lazournen dan lapenn.

Psonm 43:2

Ou menm Bondye ki mon protekter. Akoz ou'n rezet mwan? Akoz mon bezwen reste dan latristes e les bann lennmi kraz mwan?

Psonm 55:3

akoz lennmi pe kriy avek mwan, bann malfeter pe ensilte mwan. Zot fer maler tonm lo mwan, zot atak mwan avek lakoler.

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

Psonm 77:9

Eski Bondye in oubliy son konpasyon anver nou? Eski dan son lakoler, i nepli annan okenn konpasyon pour nou?

Psonm 78:35

Zot ti rapel ki Bondye i zot Ros protekter, Bondye Treo ti zot Sover.

Psonm 88:9

Mon lizye in abimen avek sagren. Tou le zour, mon apel ou SENYER e mon lev mon lanmen ver ou.

Psonm 92:3

avek lenstriman lanmizik dis lakord, laarp ek lanmizik sitar.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Ezai 40:27

Zakob! Akoz ou dir? Izrael! Akoz ou repete: Ki pe arive ek mwan? Mon Bondye pa pran ka pour mwan.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.