Psonm 42:6 - Labib An Kreol Seselwa

⁶ Dan mon latristes, mon mazin ou, depi dan pei Zourden ek montanny Hermon ek montanny Mitsear.

Psonm 42:6 ပူးပေါင်းရင်းမြစ်များ

2 Samyel 17:22

David ek tou dimoun ki ti avek li, ti travers larivyer Zourden. Ler lizour ti fer, tou ti'n fini traverse; ti napa en sel ki ti'n reste deryer.

2 Samyel 17:27

Ler David ti ariv Mahanaim, Sobi, garson Nahas, ki sorti Raba, lavil bann Amonit, ek Makir, garson Amiel ki sorti Lo-Debar, ek Barzilai en Galaadit ki sorti Rogelim, ti zwenn avek li.

Psonm 133:3

I parey laroze lo montanny Hermon, ki desann lo bann kolin Siyon, la kot SENYER i donn son benediksyon, lavi pour touzour.

Psonm 22:1

Mon Bondye! Mon Bondye! Akoz ou'n abandonn mwan? Akoz ou reste sitan lwen avek mwan? Akoz ou pa ekout mon lapel?

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 43:5

Akoz mon dekouraze? Akoz mon plenny lo mon sor? Met ou lespwar dan Bondye! Mon pou loue li ankor, mon Sover e mon Bondye.

Psonm 61:2

Depi dan bout later, mon pe kriy ou ler mon dan dekourazman. Kondwir mwan lo sa ros kot mon pa kapab arive.

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.

Matye 26:39

I ti al en pti pe pli lwen. I ti tonm lafas ater e priye: Mon Papa! Si posib, fer sa lakoup pas lwen avek mwan. Sepandan, pa fer dapre mon lavolonte, me dapre ou lavolonte.

Matye 27:46

Ver 3 er apre midi, Zezi ti kriy avek en lavwa for, “Eloi! Eloi! Lama sabaktani?” Savedir, “Mon Bondye! Mon Bondye! Akoz ou'n abandonn mwan?”