Psonm 42:5 - Labib An Kreol Seselwa

⁵ Akoz mon dekouraze? Akoz mon plenny lo mon sor? Met ou konfyans dan Bondye! Mon pou loue li ankor, li, mon Sover.

Psonm 42:5 ပူးပေါင်းရင်းမြစ်များ

Liv Zob 13:15

I kapab touy mwan, mon napa nanryen pour perdi. Me mon pou defann mwan devan li.

Psonm 35:14

Mon ti fer sa konmsi ti pour en zanmi oubyen en frer. Mon ti sagren, kraze par lafatig, konmsi mon ti'n perdi mon prop manman.

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 38:6

Mon kourbe avek douler; mon plere tou lazournen dan lapenn.

Psonm 42:11

Akoz mon dekouraze? Akoz mon plenny lo mon sor? Met ou konfyans dan Bondye! Loue li ankor, i mon Sover e mon Bondye!

Psonm 43:5

Akoz mon dekouraze? Akoz mon plenny lo mon sor? Met ou lespwar dan Bondye! Mon pou loue li ankor, mon Sover e mon Bondye.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 56:11

Mon'n met mon konfyans dan Bondye; mon pa per. Lekel sa imen ki kapab fer mwan ditor?

Psonm 56:3

Kan mon per, mon met mon konfyans dan ou.

Psonm 61:2

Depi dan bout later, mon pe kriy ou ler mon dan dekourazman. Kondwir mwan lo sa ros kot mon pa kapab arive.

Psonm 71:14

Mwan, mon pou kontinyen espere e mon pou touzour sant ou louanz.

Psonm 77:3

Mon mazin Bondye, mon plennyen devan li. Plis mon reflesir, mon perdi kouraz.

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Nonm 6:26

SENYER ava lev son regar lo ou e donn ou lape!

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 26:38

I ti dir zot, “Mon leker i ranpli avek latristes lanmor. Reste isi e vey avek mwan.”

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.