Psonm 42:2 - Labib An Kreol Seselwa

² Mon swaf pour Bondye, mon Bondye ki vivan. Kan eski mon pou kapab prezant mwan devan ou prezans?

Psonm 42:2 ပူးပေါင်းရင်းမြစ်များ

Liv Zob 23:3

Si mon ti konnen kote i ete, mon ti ava kapab ariv ziska kot li.

Psonm 27:4

Mon'n demann SENYER en sel keksoz: Reste dan tanp SENYER tou mon lavi, pour admir labote SENYER e kontanple li dan son tanp.

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

Psonm 63:3

Ou fidelite i vo plis ki lavi; mon labous pou proklanm ou louanz.

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

Psonm 84:2

Mon vreman anvi antre dan sanktyer SENYER. Mon leker ek mon lekor antye i anvi sant lazwa ver Bondye vivan.

Psonm 84:4

Byennere sa bann ki viv dan ou tanp e ki kontinyelman sant ou louanz.

Psonm 84:7

Zot avanse touzour pli for. Bondye ki pli gran ki tou bondye ava paret dan Siyon.

Egzod 23:17

Trwa fwa par an, tou popilasyon mal parmi zot ava vin devan Senyer BONDYE.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Levanzil dapre Zan 5:26

Annefe, parey mon Papa i sours lavi, i'n osi donn sa pouvwar son Garson, pour ki li osi, i vin en sours lavi.

Levanzil dapre Zan 7:37

Dernyen zour lafet ki pli solannel, Zezi ti debout devan lafoul. I ti dir byen for, “Sa enn ki swaf, vini! Vin kot mwan, vin bwar.

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

Zozye 3:10

Zozye ti dir: La ki mannyer zot ava konnen ki Bondye vivan i parmi zot, e ki i pou sas bann Kananeen, bann Hitit, bann Hivit, bann Perizit, bann Girgasit, bann Amorit e bann Zebizit devan zot.

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.