Psonm 41:9 - Labib An Kreol Seselwa

⁹ Menm mon meyer zanmi avek ki mon ti fer konfyans, ki'n partaz mon repa, in vir kont mwan.

Psonm 41:9 ပူးပေါင်းရင်းမြစ်များ

2 Samyel 15:12

Pandan ki Absalon ti pe ofer bann sakrifis, i ti anvoy sers Ahitofel, konseye David, dan lavil Gilon. Konmsa bann ki ti pou Absalon ti ogmante e konplo ti vin pli for.

Liv Zob 19:13

I'n tourn mon prop fanmir kont mwan; mon'n vin en etranze pour bann konnesans.

Liv Zob 19:19

Tou mon bann zanmi entim i mepriz mwan. Dimoun ki mon ti kontan in tourn kont mwan.

Psonm 101:3

Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Abdyas 1:7

Ou bann zanmi pou tronp ou, e ou pou ganny sase dan ou teritwar. Ou bann zanmi entim pou pran ou byen: Ou bann zanmi pros pou servi ou dipen pour trik ou. Zot nepli annan disernman.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Matye 26:23

Zezi ti reponn, “Sa enn ki'n met son lanmen dan pla avek mwan, pou trai mwan.

Levanzil dapre Zan 13:18

Mon pa pe koz lo zot tou. Mon konnen lekel ki mon'n swazir. Me fodre ki sa parol Lekritir i realize: Sa enn ki'n partaz mon dipen, in lev son talon kont mwan.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.