Psonm 40:5 - Labib An Kreol Seselwa

⁵ SENYER mon Bondye! Ou'n fer en kantite keksoz merveye pour nou; napa personn parey ou. Mon anvi fer konnen ou bann mervey. Me i annan tro bokou pou rakonte.

Psonm 40:5 ပူးပေါင်းရင်းမြစ်များ

Liv Zob 26:14

Sa i zis en pti lide son bann aksyon, zis en leko sa ki nou tande lo li. Me lekel ki kapab konpran son gran pwisans?

Liv Zob 5:9

Bondye i fer bann gran mervey, ki personn pa kapab konpran.

Liv Zob 9:10

I fer bann gran keksoz ki personn pa menm kapab konpran; bokou mervey ki nou pa kapab konte.

Psonm 136:4

Li tousel ki fer bann gran mervey; son fidelite i dire pour touzour.

Psonm 139:6

Ou konn mwan dan en fason merveye. Sa i depas tou sa ki mon kapab konpran.

Psonm 71:15

Mon pou rakont bann gran keksoz ki ou'n fer. Tou le zour, mon pou fer konnen koman ou'n sov nou. I annan sitan bokou, ki mon pa pou kapab rakont tou.

Psonm 73:28

Me pour mwan, kan mon apros avek Bondye, mon dan lazwa. Mon swazir Senyer BONDYE pour mon labri e mon pou rakont tou son bann byenfe.

Psonm 92:5

Ou'n fer en kantite gran mervey. Ou bann travay i vreman gran, SENYER! Ou bann panse i tre profon.

Egzod 11:8

Tou dimoun dan ou lantouraz pou vin prosternen devan mwan. Zot pou dir: Ale! Al avek tou ou pep ki pe swiv ou. Apre sa, mon pou ale”. Moiz ti sorti kot Faraon dan en gran lakoler.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Zeremi 29:11

Mon konn byen bann plan ki mon annan pour ou, SENYER i deklare: Bann plan ki pou anmenn prosperite pour ou, pa dezas; bann plan ki pour donn ou en lavenir ranpli avek lespwar.