Psonm 40:17 - Labib An Kreol Seselwa

¹⁷ Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!

Psonm 40:17 ပူးပေါင်းရင်းမြစ်များ

Psonm 109:22

Mon pov, mon malere; mon leker i blese dan mwan.

Psonm 34:4

Mon ti apel SENYER e i ti reponn mwan. In delivre mwan dan tou mon lafreyer.

Psonm 34:6

Kan en malere i kriye, SENYER i antann li. I delivre li dan tou son detres.

Psonm 35:27

Me bann ki swete war lazistis dan mon faver, ava kriye dan lazwa e zot pa pou aret dir: SENYER i gran! I kontan boner son serviter.

Psonm 40:5

SENYER mon Bondye! Ou'n fer en kantite keksoz merveye pour nou; napa personn parey ou. Mon anvi fer konnen ou bann mervey. Me i annan tro bokou pou rakonte.

Psonm 54:4

Bondye i mon sekour. SENYER i soutenir sa enn ki soutenir mwan.

Psonm 69:33

Annefe, SENYER i ekout dimoun ki dan bezwen. I pa rezet son bann fidel ki dan prizon.

Psonm 70:5

Mwan, mon en pov dan bezwen; Mon Bondye pa oubliy mwan! SENYER! Ou mon sekour e mon liberater, pa tarde!

Psonm 86:1

Ekout mwan SENYER! Reponn mwan. Mon pov e mon malere.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 41:17

Bann pov ek bann malere ava rod delo, me pou napa. Zot lalang i sek avek laswaf; mwan SENYER, mon pou reponn zot; mwan Bondye Izrael, mon pa pou abandonn zot.

Matye 8:20

Zezi ti dir li, “Bann renar i annan zot trou, zwazo dan lesyel i annan zot nik, me Fis-de-Lonm napa en landrwa kot i kapab repoz latet.”

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

1 Pyer 5:7

Desarz tou zot traka lo li, akoz i pran swen avek zot.

Revelasyon 22:20

Sa enn ki ateste sa bann keksoz i deklare: Wi! Mon pe vini byento! Amenn! Vini, Senyer Zezi!