Psonm 40:11 - Labib An Kreol Seselwa

¹¹ SENYER! Pa refiz mwan ou konpasyon. Ou lanmour ek ou fidelite i touzour protez mwan.

Psonm 40:11 ပူးပေါင်းရင်းမြစ်များ

Psonm 23:6

Ou bonte ek ou zenerozite i akonpanny mwan tou le zour mon lavi. Mon pou reste dan tanp SENYER tou dilon mon lavi.

Psonm 43:3

Anvoy ou lalimyer ek ou laverite pour gid mwan e kondwir mwan lo ou montanny sakre e la kot ou reste.

Psonm 57:3

Lao dan lesyel i anvoy son sekour e fer kanmi sa bann ki pourswiv mwan. Bondye pou touzour montre mwan son lanmour ek son fidelite.

Psonm 61:7

pour ki i reste lo tronn pour touzour devan ou. Mon Bondye! Dan ou fidelite ek ou bonte, protez li.

Psonm 69:13

SENYER! Mwan, mon adres ou mon lapriyer. Mon Bondye! Reponn mwan dan ou letan favorab. Dan labondans ou fidelite, reponn mwan, ou ki vreman mon Sover.

Psonm 69:16

SENYER, Reponn mwan! Ou fidelite i fer mwan dibyen. Dan ou gran konpasyon, tourn ver mwan!

Psonm 85:10

Labonte ek fidelite ava zwenn ansanm; lazistis ek lape ava anbras kanmarad.

Psonm 89:2

Mon deklare ki ou lanmour i egziste depi touzour; ou fidelite in ganny fikse solidman parey lesyel.

Proverb 20:28

Labonte ek lwayote i protez lerwa; son tronn i ganny soutenir par fidelite.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.