Psonm 39:7 - Labib An Kreol Seselwa

⁷ Aprezan SENYER! Ki i annan ankor pour espere? Tou mon lespwar i dan ou.

Psonm 39:7 ပူးပေါင်းရင်းမြစ်များ

Zenez 49:18

SENYER! Mon esper ou, e ou ava sov mwan.

Liv Zob 13:15

I kapab touy mwan, mon napa nanryen pour perdi. Me mon pou defann mwan devan li.

Liv Zob 14:2

I pouse parey en fler, apre i fletri. I disparet parey en lonbraz e i pa dire.

Psonm 119:166

SENYER! Mon kont lo ou delivrans. Alor, mon obei ou bann komannman.

Psonm 119:81

Mon fatige espere pour ou vin sov mwan. Mon met mon konfyans dan ou parol.

Psonm 38:15

SENYER! Mon kont lo ou. SENYER, mon Bondye! Ou ki pou reponn mwan.

Psonm 49:11

Zot ti krwar posed zot propriyete pour touzour. Me zot latonm ki vin zot demer pour touzour, zot abitasyon dan tou zenerasyon.

Eklezyas 2:21

En dimoun in travay avek lasazes, konnesans ek sikse; i bezwen kit sa ki i'n realize pour en lot ki pa'n fer nanryen. Sa osi i vanite.

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.