Psonm 38:6 - Labib An Kreol Seselwa

⁶ Mon kourbe avek douler; mon plere tou lazournen dan lapenn.

Psonm 38:6 ပူးပေါင်းရင်းမြစ်များ

Liv Zob 30:28

Mon marse, figir tris, napa lalimyer pour mwan. Mon debout dan lasanble e mon kriy osekour.

Liv Zob 7:5

Mon lekor i kouver avek lever ki parey lakrout later; mon lapo in fann e i enfekte avek boubou.

Psonm 107:17

En bann fou ti soufer akoz zot dezobeisans e par zot pese.

Psonm 145:14

SENYER i soutenir tou sa ki pe tonbe; i redres tou sa ki kourbe.

Psonm 31:10

Mon lavi pe fini dan langwas; mon bann lannen i fini dan plere. Akoz mon bann pese, mon perdi kouraz. Menm mon bann lezo in large.

Psonm 35:14

Mon ti fer sa konmsi ti pour en zanmi oubyen en frer. Mon ti sagren, kraze par lafatig, konmsi mon ti'n perdi mon prop manman.

Psonm 42:5

Akoz mon dekouraze? Akoz mon plenny lo mon sor? Met ou konfyans dan Bondye! Mon pou loue li ankor, li, mon Sover.

Psonm 42:9

Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 43:2

Ou menm Bondye ki mon protekter. Akoz ou'n rezet mwan? Akoz mon bezwen reste dan latristes e les bann lennmi kraz mwan?

Psonm 57:6

Zot ti'n met en latrap lo mon semen pour fer mwan pliye. Zot ti'n fouy en trou lo mon semen, me zot menm ki'n tonm ladan.

Psonm 6:6

Mon fatige afors plennyen. Tou le swar, mon lili i mouye avek mon larm; afors mon plere, mon lili i tou tranpe.

Psonm 88:9

Mon lizye in abimen avek sagren. Tou le zour, mon apel ou SENYER e mon lev mon lanmen ver ou.

Ezai 38:14

Mon kriye parey en zirondel; mon plennyen parey en tourtrel. Mon lizye i fatige afors get anler ver lesyel. SENYER! Sekour mwan dan mon lapenn.