Psonm 38:11 - Labib An Kreol Seselwa

¹¹ Mon bann zanmi ek mon bann vwazen i reste lwen avek mwan akoz mon maladi. Mon fanmir nepli frekant mwan.

Psonm 38:11 ပူးပေါင်းရင်းမြစ်များ

Psonm 22:16

En group malfeter in antour mwan; zot parey en group lisyen ki'n anserkle mwan. Zot in pers mon lanmen ek mon lipye.

Psonm 31:11

Mon bann lennmi i ensilte mwan; mon bann vwazen i mepriz mwan; mon fer per bann ki konn mwan. Ler zot war mwan dan semen, zot sove.

Psonm 88:18

Ou'n fer mon bann zanmi abandonn mwan; fernwanr i mon zanmi.

Ezai 53:4

Sepandan, nou soufrans ki i ti pe siporte, nou bann douler ki i ti pe anmennen; nou mazinen ki i ti'n ganny pini, tape avek fleo par Bondye.

Ezai 53:8

Par en move zizman, i ti ganny arete avek vyolans. Lekel ki ti pran ka dan son sor? I ti'n ganny tire lo later parmi bann vivan, ganny met anmor akoz bann revolt mon pep.

Matye 26:56

Me tousala in arive pour ki Lekritir ek parol bann profet i ganny akonpli.” Alor, tou son bann disip ti abandonn li e sove.

Levanzil dapre Lik 22:54

Alor, zot ti aret Zezi e anmenn li dan lakour Gran-Pret. Pyer ti swiv de lwen.

Levanzil dapre Lik 23:49

Tou bann dimoun ki ti konn Zezi ek bann fanm ki ti'n swiv li depi Galile, ti reste debout lwen. Zot ti pe get tou sa ki ti pe pase.

Levanzil dapre Zan 16:32

Ler pe arive. Annefe, i'n deza arive kan zot tou, zot pou fannen, sakenn dan son kote, e zot pou kit mwan tousel. Me mon pa tousel, akoz Papa i avek mwan.