Psonm 37:9 - Labib An Kreol Seselwa

⁹ Annefe, bann malfeter pou ganny eliminen; me bann ki met zot konfyans dan SENYER, pou posed pei.

Psonm 37:9 ပူးပေါင်းရင်းမြစ်များ

Psonm 25:13

I pou viv touzour dan prosperite e son bann desandan pou posed sa pei.

Psonm 37:29

Sa enn ki obei SENYER pou posed pei kot i pou reste pour touzour.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Proverb 2:21

Annefe, dimoun zis ki pou reste dan sa pei; bann inosan ki ava kontinyen reste.

Ezai 57:13

Ler zot ava kriy osekour, eski zot koleksyon zidol pou vin delivre zot? En divan pou fer tousala anvole; zis en souf pou fer zot disparet. Me sa enn ki met li anba mon proteksyon, ava resevwar sa pei koman son patrimwann e mon montanny sakre koman son posesyon.

Ezai 58:14

alor, ou pou trouv lazwa dan SENYER, e mon pou fer ou vwayaz an triyonf; mon pou nouri ou avek patrimwann ou zanset Zakob. Labous SENYER ki'n koze.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Nonm 26:65

SENYER ti'n dir ki zot tou, zot pou mor dan dezer, eksepte Kaleb garson Zefoune ek Zozye, garson Noun.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Zozye 14:9

Sa zour, Moiz ti fer sa serman: Mon promet ki sa pei ki ou'n mars lo la, pou vin ou posesyon pour ou e pour ou bann zanfan pour touzour, akoz ou'n reste fidel anver SENYER, ou Bondye.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.