Psonm 37:8 - Labib An Kreol Seselwa

⁸ Pa pran lakoler, reste trankil; gard ou kalm, sankwa tou pou mal fini.

Psonm 37:8 ပူးပေါင်းရင်းမြစ်များ

1 Rwa 11:22

Faraon ti dir li, “Ki i mank ou isi kot mwan, pour ou ganny lanvi retourn dan ou pei?” I ti reponn, “Nanryen, me les mwan ale kan menm.”

Liv Zob 18:4

Ou lakoler i fer ou ditor. Eski ou krwar ki akoz ou, fodre ki later i vin en dezer, oubyen fodre deplas bann ros?

Liv Zob 5:2

Lakoler i touy dimoun ensanse. Zalouzi i detri bann fou.

Psonm 116:11

Dan mon dezespwar mon ti dir: Zonm i manter.

Psonm 31:22

Dan mon dezespwar mon ti pe dir: Ou'n zet mwan lwen avek ou. Me ou'n antann mon siplikasyon kan mon ti kriy ver ou.

Psonm 73:15

Si mon ti'n deside koz parey zot, mon ti ava'n trai ou pep.

Proverb 14:29

Sa enn ki pasyan i rezonnab; sa enn ki ankoler vitman i montre ki i en fou.

Proverb 16:32

Vomye en dimoun pasyan ki en gerye; vomye en dimoun ki kontrol son karakter, ki enn ki kaptir en lavil.

Zonas 4:1

Zonas pa ti kontan sa ki ti'n arive e i ti pran en gran lakoler.

Zonas 4:9

Me Bondye ti demann Zonas, “Eski ou annan rezon pran lakoler avek sa plant?” Zonas ti dir, “Mon annan rezon ankoler e mon anvi lanmor, pran mwan.”

Efezyen 4:26

Si zot pran lakoler, fer atansyon pour zot pa tonm dan pese, e fer atansyon pa les zot lakoler dire ziska aswar.

Efezyen 4:31

Debaras zot avek tou move santiman, iritasyon e lakoler. Fer disparet tou kriye ek lensilt. Pa bezwen annan okenn santiman mesanste.

Kolosyen 3:8

Me aprezan, debaras zot avek tousala: Lakoler, vyolans ek mesanste. Pa les okenn parol kalonmni ek parol obsenn sorti dan zot labous.