Psonm 32:5 - Labib An Kreol Seselwa

⁵ Me, mon'n avoue mon pese avek ou; mon pa'n kasyet mon fot. Mon ti dir: Mon pou konfes mon pese avek SENYER. Alor, ou ti pardonn mwan mon pese.

Psonm 32:5 ပူးပေါင်းရင်းမြစ်များ

2 Samyel 12:13

David ti reponn Natan, “Mon'n fer pese kont SENYER.” Natan ti reponn David, “SENYER osi in pardonn ou pese: Ou pa pou mor.

2 Samyel 12:9

Akoz ou'n mepriz parol SENYER, e fer sa ki i pa kontan? Ou'n touy Iri sa Hitit par lepe; ou'n pran son fanm pour fer li vin ou fanm; ou'n aranze pour fer bann Amonit touy Iri par lepe.

2 Samyel 24:10

David ti santi son leker bate, apre ki i ti'n fer resansman lepep. I ti dir SENYER, “Mon'n komet en gran pese par fer sa resansman. Aprezan, SENYER, mon demann ou pardonn mwan pour sa fot ki mwan ou serviter, mon'n komet, akoz mon'n azir koman en fou.”

2 Samyel 24:17

Ler i ti war mesaze pe detri lepep, David ti dir SENYER, “Mwan ki'n fer pese! Mwan ki'n komet sa fot. Me sa troupo ki i'n fer? Mon demann ou pini mwan ek mon fanmir.”

1 Rwa 8:50

Ou ava pardonn ou pep ki'n fer pese kont ou; ou ava pardonn li tou krim ki i'n komet. Ou ava annan konpasyon anver sa bann ki pe gard zot prizonnyen, pour ki zot osi, zot montre konpasyon

2 Kronik 6:29

alor, dimoun parmi ou pep Izrael, ava rekonnet son maler ek son soufrans. Zot ava priye e sipliye, zot ava lev lanmen ver ou tanp pour enplor ou.

Esdras 10:11

Aprezan, rekonnet zot fot devan SENYER, Bondye zot zanset, e fer son volonte. Separ zot avek pep sa pei e avek bann fanm etranze”.

Liv Zob 31:33

Si mon ti kasyet mon pese parey lezot i fer, e kasyet zot dan mon leker,

Liv Zob 33:27

Alor, i sante devan tou dimoun: Mon'n fer pese, mon pa'n fer sa ki drwat e mon pa'n ganny trete parey mon ti merite.

Psonm 103:12

Parey Les i lwen avek Was, i met nou pese lwen avek nou.

Psonm 103:3

I pardonn tou ou bann fot e i geri tou ou bann maladi.

Psonm 25:16

Tourn ver mwan SENYER! Pran pitye pour mwan, akoz mon tousel e mon malere.

Psonm 25:18

Get mon lanmizer ek mon lapenn e pardonn mwan tou mon bann pese.

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 38:18

Mon rekonnet mon fot, mon regret mon pese.

Psonm 38:19

Mon bann lennmi, zot byen portan e for; en kantite parmi zot pe ay mwan san rezon.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Proverb 28:13

Sa enn ki kasyet son bann fot pa pou prospere. Me sa enn ki avoue son fot e renonse, pour ganny pardonnen.

Proverb 30:20

La koman en fanm adilter i konport li: I manze, eswiy son labous, e dir: Mon pa'n fer nanryen mal.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 2:35

Ou pretann ki ou inosan, e ki mon pa devre pini ou. Akoz ou deklare ki ou pa'n fer nanryen mal, mon pou met ou ankour.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Levitik 5:5

Ler i realize ki i koupab pour komet en tel fot, i devre rekonnet sa pese ki i'n komet.

Malasi 3:8

Dir mwan, eski en zonm i kapab vol Bondye? Pourtan, zot pe vol mwan. Me zot demande: Ki mannyer nou pe vol ou? Zot pe vol mwan dan zot ladim e dan zot bann lofrann.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Levanzil dapre Lik 7:47

Pour sa rezon, mon dir ou ki tou son pese, ki bokou, in ganny pardonnen, akoz i kontan bokou; sa enn ki'n ganny pardonnen en pti gin, i kontan en pti gin.”

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

Zozye 7:19

Alor Zozye ti dir Akan, “Mon garson! Rann glwar SENYER Bondye Izrael e rekonnet ou fot devan li. Dir mwan ki ou'n fer, pa kasyet nanryen avek mwan.”