Psonm 31:1 - Labib An Kreol Seselwa

¹ SENYER! Mon'n ganny labri kot ou. Pa zanmen les mwan ganny imilye. Dan ou lazistis, delivre mwan!

Psonm 31:1 ပူးပေါင်းရင်းမြစ်များ

Romen 10:11

Annefe, Lekritir i deklare: Sa enn ki krwar dan li, pa pou dezapwente.

Psonm 25:2

Mon Bondye! Mon'n fer ou konfyans; pa tronp mwan. Pa les mon bann lennmi ganny laviktwar.

Psonm 143:1

SENYER! Ekout mon lapriyer. Dan ou fidelite, port atansyon lo mon bann siplikasyon. Dan ou bonte, reponn mwan.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.