Psonm 30:5 - Labib An Kreol Seselwa

⁵ Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 30:5 ပူးပေါင်းရင်းမြစ်များ

Zenez 32:24

Zakob ti reste tousel. En zonm ti lite avek li ziska granmaten.

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Psonm 103:9

I pa touzour akiz nou; i pa gard rankin pour touzour.

Psonm 143:8

Depi granmaten, anons mwan ou fidelite akoz mon fer ou konfyans. Fer mwan konnen ki semen mon devre swiv, akoz mon tourn ver ou.

Psonm 145:10

Tou sa ki ou'n fer pou loue ou SENYER. Tou dimoun ki reste fidel pou remersye ou.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 46:5

Bondye i dan milye lavil; i pa pou ganny detri. Koman soley i leve, Bondye i la pour protez li.

Psonm 47:7

Bondye i lerwa later antye. Sant en zoli psonm pour loue li.

Psonm 59:16

Mwan, mon pou proklanm ou lafors. Tou le bomaten, mon pou kriy byen for ou fidelite. Ou en protekter pour mwan; ou en labri dan letan mon maler.

Psonm 63:3

Ou fidelite i vo plis ki lavi; mon labous pou proklanm ou louanz.

Psonm 97:12

Ou ki obei SENYER! Reste dan lazwa. Sant bann louanz pour son non sen!

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Matye 5:4

Byennere bann ki dan latristes, akoz zot pou ganny konsole!

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!