Psonm 3:3 - Labib An Kreol Seselwa

³ Me ou, SENYER, ou en boukliye protekter pour mwan; ou mon loner e ou fer mwan fyer.

Psonm 3:3 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 40:13

Dan ankor trwa zour, Faraon pou retabli ou dan ou responsabilite. Ou ava repran ou travay, e servi Faraon son lakoup parey avan.

2 Rwa 18:30

Pa les Ezekyas fer zot met zot konfyans dan SENYER kan i dir: SENYER pou delivre zot. Sa lavil pa pou ganny livre dan lanmen lerwa Asiri.

2 Rwa 18:32

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen, en pei avek pye zoliv ek dimyel. Konmsa, zot ava viv, e zot pa pou mor. Pa ekout Ezekyas ler i dir: SENYER pour delivre nou.

2 Rwa 25:27

Dan trannsetyenm lannen legzil Yoyakin, lerwa Zida, dan douzyenm mwan, e vennsetyenm zour, Evil-Merodak, lerwa Babilonn, dan premye lannen ki i ti vin lerwa, ti grasye Yoyakin, lerwa Zida e i ti fer li sorti dan prizon.

Psonm 110:7

Letan i pe ale, i pou bwar delo dan larivyer. Pour sa rezon, i lev son latet.

Psonm 119:114

Ou menm mon protekter e mon boukliye. Mon met mon konfyans dan ou parol.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 27:6

La anler, mon pou ganny laviktwar lo mon bann lennmi ki antour mwan. Mon pou kapab ofer bann sakrifis dan son tanp, avek laklamasyon e dan lazwa. Mon pou sante, mon pou zwe lanmizik pour SENYER.

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 4:3

Pa oubliye ki SENYER in met apar sa enn ki reste fidel anver li. SENYER i antann mwan ler mon apel li.

Psonm 62:7

Mon delivrans ek mon laglwar i repoz lo Bondye mon pwisan protekter, mon labri.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Ezai 60:19

Soley pa pou ekler ou pandan lazournen, ni lalin pandan lannwit. Me SENYER li menm ki pou ou lalimyer pour touzour; laglwar Bondye ki pou ekler ou.

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Revelasyon 21:11

I ti briye avek laglwar Bondye. Son lekla ti resanble en pyer presyez tre rar, parey zasp, kler parey kristal.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.