Psonm 28:7 - Labib An Kreol Seselwa

⁷ SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 28:7 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Psonm 13:5

Me mwan, mon'n met mon konfyans dan ou fidelite. Mon leker i kontan akoz ou'n delivre mwan.

Psonm 13:6

Mon pou sant pour mon SENYER akoz in fer mwan bokou dibyen.

Psonm 19:14

Mon demann ou aksepte bann parol mon labous e panse mon leker. SENYER! Ou menm mon Ros protekter! Ou menm mon Sover!

Psonm 21:1

SENYER! Lerwa i dan lazwa akoz ou for. I tre zwaye ou'n sekour li.

Psonm 22:4

Nou bann zanset ti fer ou konfyans; zot ti kont lo ou e ou ti delivre zot.

Psonm 28:8

SENYER i lafors son pep; i defann li e i sov sa enn ki i'n konsakre.

Psonm 3:3

Me ou, SENYER, ou en boukliye protekter pour mwan; ou mon loner e ou fer mwan fyer.

Psonm 3:4

Mon kriy for ver SENYER; depi son montanny sen i reponn mwan.

Psonm 33:21

Nou'n met nou konfyans dan son non sen, i lazwa ki dan nou leker.

Psonm 37:39

SENYER i sov sa bann ki obei li. I protez zot dan letan maler.

Psonm 40:3

I'n met en nouvo kantik lo mon lalev; en kantik pour loue nou Bondye. Bokou dimoun ki pou temwen, pou annan respe pour SENYER e met zot konfyans dan li.

Psonm 43:2

Ou menm Bondye ki mon protekter. Akoz ou'n rezet mwan? Akoz mon bezwen reste dan latristes e les bann lennmi kraz mwan?

Psonm 46:1

Bondye i pour nou en labri e en sekour. I touzour avek nou dan letan maler.

Psonm 46:2

Pour sa rezon, nanryen pa pou fer nou per: Menm si i annan tranblemandter; menm si montanny i tranble dan milye lanmer;

Psonm 69:30

Mon pou loue non Bondye par en kantik; mon pou anons son grander avek rekonesans.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Efezyen 6:10

Anfen, pran ou lafors dan linyon avek Senyer e dan son gran pwisans.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.