Psonm 28:5 - Labib An Kreol Seselwa

⁵ Zot pa rekonnet travay SENYER ni sa ki son lanmen in fer. Alor, i pou detri zot e zot pa pou zanmen releve.

Psonm 28:5 ပူးပေါင်းရင်းမြစ်များ

2 Samyel 7:13

Li menm ki pou konstri en lakaz an mon non, e mon pou etabli son tronn rwayal pour touzour.

2 Samyel 7:27

SENYER liniver! Ou menm Bondye Izrael, ki'n enform ou serviter, ler ou ti dir: Mon pou konstri en lakaz pour ou. Sa i donn mwan kouraz pour fer sa lapriyer.

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

Psonm 10:5

I touzour reisi dan tou sa ki i antreprann. Zizman Bondye pa afekte li. I kraz son bann lennmi.

Psonm 104:24

SENYER! Ou'n fer tou keksoz; tou in ganny fer avek lasazes. Later i ranpli avek tou sa ki ou'n kree.

Psonm 8:3

Ler mon admir grander lesyel ki ou'n fer, lalin ek bann zetwal ki ou'n met an plas,

Ezai 22:11

Ou ti fer en basen ant sa de miray pour anmas delo sorti dan vye rezervwar. Me ou pa'n tourn ou lizye ver sa enn ki'n fer tousala. Ou pa'n mazin sa enn ki'n prepar tousala depi byen lontan.

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Zeremi 31:4

Izrael ki zoli! Mon pou rekonstri ou! Ou pou ganny remet lo ou de lipye. De nouvo, ou pou fer sorti ou bann tanbouren, e selebre dan lazwa avek bann danser.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Nonm 23:23

Okenn sor pa pran lo Zakob. Ni okenn pouvwar mazik pa pou servi lo Izrael. Letan pou arive, kan dimoun pou dir lo Zakob ek Izrael: Get travay ki Bondye in fer.

Levanzil dapre Zan 12:37

Menm si i ti'n fer sitan kantite siny ek mirak dan zot prezans, lafoul pa ti krwar dan li.

Romen 1:20

Annefe, depi ki Bondye in kree lemonn, nou war pwisans eternel ek divinite Bondye; nou disern li atraver son bann mervey. Alor, zonm i san leskiz.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.