Psonm 28:1 - Labib An Kreol Seselwa

¹ SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.

Psonm 28:1 ပူးပေါင်းရင်းမြစ်များ

Liv Zob 33:28

Bondye in sov mwan akoz mon ti pe al fini dan latonm, aprezan mon revwar lalimyer.

Psonm 142:1

Avek tou mon lafors, mon kriy ver SENYER. Avek tou mon lafors, mon sipliy SENYER.

Psonm 142:2

Mon devers mon problenm devan li; mon rakont li mon maler.

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 22:2

Mon Bondye! Mon Bondye! Lizour mon apel ou, me ou pa reponn. Dan lannwit mon kriye, e mon pa ganny repo.

Psonm 3:4

Mon kriy for ver SENYER; depi son montanny sen i reponn mwan.

Psonm 30:4

Sant pour SENYER, zot son pep fidel! Loue SENYER, akoz son non i sen!

Psonm 30:9

Ki lentere ou annan dan mon lanmor, ler mon desann dan lafos? Eski dimoun mor i kapab loue ou? Eski zot kapab rakont ou fidelite?

Psonm 35:22

SENYER! Ou menm, ou'n war. Pa gard silans. SENYER! Pa reste lwen avek mwan.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Psonm 42:9

Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 5:2

Mon Bondye! Mon lerwa! Ekout mon lapel. Avek ou ki mon adres mon lapriyer.

Psonm 69:15

Pa les kouran delo trenn mwan, ni les mwan desann dan gran fon, ni latonm ferm lo mwan.

Psonm 77:1

Mon kriy for ver Bondye; mon apel Bondye avek tou mon lafors pour li antann mwan.

Psonm 83:1

Mon Bondye! Pa gard silans. Mon Bondye! Pa reste trankil san nanryen fer.

Proverb 1:12

Annou anval zot vivan, parey dan lemonn lanmor, zot lekor antye pou parey sa bann ki al dan pwi.

Ezai 26:4

Met ou konfyans dan SENYER pour touzour, akoz SENYER i sa Ros solid pour touzour.

Ezai 38:18

Lemonn lanmor pa kapab loue ou. Lanmor pa kapab selebre ou. Sa ki desann dan sa trou san fon pa kapab met lespwar dan ou fidelite.

Revelasyon 20:3

Lanz ti zet li dan labim, ki i ti fermen e sele pour ki i nepli kapab tronp bann nasyon ziska ki 1,000 an ava'n fini pase. Apre sa, fodre ki i ganny large pour en pti pe letan.