Psonm 27:9 - Labib An Kreol Seselwa

⁹ Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 27:9 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Psonm 102:2

Pa kasyet ou avek mwan kan mon dan lapenn. Ekout mwan ler mon apel ou. Pa tarde pour reponn mwan.

Psonm 102:3

Mon lavi i disparet parey lafimen; mon bann lezo i brile parey dan en four.

Psonm 119:121

Mon'n fer sa ki zis e byen. Pa abandonn mwan dan lanmen mon bann lennmi.

Psonm 13:1

Ziska kan SENYER, ou pou oubliy mwan? Pour touzour? Ziska kan ou pou kasyet ou figir avek mwan?

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 24:5

I pou ganny benediksyon SENYER e rekonnet koman zis devan Bondye son Sover.

Psonm 44:24

Akoz ou kasyet ou figir? Akoz ou oubliy nou maler ek nou latristes?

Psonm 51:11

Pa rezet mwan lwen avek ou; pa retir ou Lespri dan mwan.

Psonm 69:17

Pa vir ledo avek ou serviter, akoz mon dan maler. Pa tarde pou reponn mwan.

Psonm 69:18

Vin pros avek mwan, sov mwan, delivre mwan akoz mon bann lennmi.

Psonm 88:1

SENYER, Bondye mon Sover! Lizour, lannwit mon kriy ver ou.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 59:2

Me plito ou bann fot ki'n separ ou avek ou Bondye; ou bann pese ki'n fer li kasyet son figir e ki'n anpes li antann ou.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

1 Samyel 7:12

Alor, Samyel ti pran en ros ki i ti plas ant Mispa ek Senn. I ti apel sa landrwa Eben-Ezer an dizan, “Ziska la, SENYER in sekour nou.”