Psonm 27:1 - Labib An Kreol Seselwa

¹ SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Psonm 27:1 ပူးပေါင်းရင်းမြစ်များ

Liv Zob 29:3

ler son lalanp ti ekler mwan par lao mon latet, e son lalimyer ti gid mwan dan fernwanr.

Psonm 11:1

SENYER i mon labri. Ki mannyer ou kapab dir mwan: Sov dan montanny parey en zwazo?

Psonm 118:21

Mon pou loue ou akoz ou'n reponn mwan, ou ki'n sov mwan.

Psonm 118:6

Si SENYER i lo mon kote, mon pa per nanryen. Ki en zonm i kapab fer mwan?

Psonm 18:28

SENYER! Mon Bondye! Ou ki alim mon lalanp. Ou menm mon lalimyer kan mon dan fernwanr.

Psonm 18:29

Avek ou led, mon kapab kraz en larme; avek mon Bondye, mon kapab sot en miray.

Psonm 18:46

SENYER i vivan! Mon rann glwar mon Ros protekter. Mon egzalte Bondye mon Sover.

Psonm 19:14

Mon demann ou aksepte bann parol mon labous e panse mon leker. SENYER! Ou menm mon Ros protekter! Ou menm mon Sover!

Psonm 3:8

SENYER! Delivrans i dan ou lanmen. Devers ou benediksyon lo ou pep.

Psonm 43:2

Ou menm Bondye ki mon protekter. Akoz ou'n rezet mwan? Akoz mon bezwen reste dan latristes e les bann lennmi kraz mwan?

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

Psonm 62:6

Li tousel mon Ros protekter, mon Sover, mon fortres. Mon pa pou zanmen tonbe.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.

Levanzil dapre Lik 2:30

Annefe, mon lizye in war ou delivrans

Levanzil dapre Lik 3:6

Tou dimoun pou war delivrans Bondye.

Levanzil dapre Zan 1:9

Laparol ti sa vre lalimyer. I'n vin dan lemonn pour ekler tou dimoun.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

2 Korentyen 12:9

Me i'n reponn mwan, “Mon lagras i tou sa ki ou bezwen; mon pwisans i azir kan ou feb.” Alor, mon prefere vant mon lekor dan mon febles, pour ki pwisans Kris i repoz lo mwan.

Deterononm 7:18

Pa per zot! Zis mazin sa ki SENYER, ou Bondye ti fer Faraon ek Lezip antye,

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Filipyen 4:13

Mon kapab fer fas avek tou difikilte gras a Kris ki donn mwan lafors.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

Revelasyon 22:5

Pou nepli annan lannwit. Zot pou nepli bezwen ni lalimyer en lalanp, ni lalimyer soley, akoz Senyer Bondye pou vin zot lalimyer. Zot pou renny pour touzour.

Revelasyon 7:10

Zot ti kriye avek en lavwa for: Nou delivrans i sorti kot nou Bondye ki pe asiz lo tronn e kot Zenn Mouton!