Psonm 26:8 - Labib An Kreol Seselwa

⁸ SENYER! Mon kontan lakaz kot ou reste; e landrwa kot laglwar ou prezans i ete.

Psonm 26:8 ပူးပေါင်းရင်းမြစ်များ

2 Samyel 15:25

Lerwa ti dir Sadok, “Retourn Kof Bondye dan lavil. Si SENYER i montre mwan son labonte, i ava fer mwan retournen, e i ava fer mwan revwar Kof ek son landrwa sakre.

1 Kronik 29:3

An plis, tou sa ki mon'n prepare pour tanp mon Bondye, mon donn sa ki mon posede, lor ek larzan. Mon donn sa akoz lentere ki mon annan anver tanp mon Bondye:

2 Kronik 5:14

Akoz sa nyaz, bann pret pa ti kapab kontiny zot seremoni. Laglwar SENYER ti ranpli tanp Bondye.

2 Kronik 7:1

Ler Salomon ti fini priye, dife ti desann sorti dan lesyel e ti bril sakrifis konplet ek lezot bann sakrifis. Laglwar prezans SENYER ti ranpli tanp.

2 Kronik 7:2

Bann pret pa ti kapab antre dan tanp akoz laglwar SENYER ti ranpli tanp.

Psonm 122:9

Akoz tanp SENYER nou Bondye, mon swete ki ou ava ere.

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

Ezai 38:20

SENYER pou sov mwan. Nou pou sante avek lakonpannyman lanmizik tou le zour nou lavi, dan tanp SENYER!

Ezai 38:22

Ezekyas ti'n osi demande: Ki siny ki pou prouve ki mon pou kapab mont dan tanp SENYER?

Ezekyel 3:12

Apre, lespri Bondye ti soulev mwan; mon ti antann en gro tapaz deryer mwan en lavwa ti dir: Rann glwar SENYER kot son prezans i reste.

Levanzil dapre Lik 2:46

Trwa zour plitar, zot ti war li dan Tanp, pe asize parmi bann profeser lalwa. I ti pe ekout zot e pe poz zot kestyon.

Levanzil dapre Lik 2:49

Zezi ti reponn zot, “Akoz zot ti pe rod mwan? Zot pa konnen ki mon annan travay dan lakaz mon Papa?”