Psonm 26:4 - Labib An Kreol Seselwa

⁴ Mon pa frekant dimoun ki tronp lezot; mon pa'n antre dan lakaz dimoun ipokrit.

Psonm 26:4 ပူးပေါင်းရင်းမြစ်များ

Liv Zob 31:5

Si mon'n viv dan mansonz, e si mon esey tronp dimoun,

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 101:4

Mon pa pou frekant dimoun malonnet; mon pa pou annan nanryen pour fer avek lemal.

Psonm 119:115

Ou ki fer sa ki mal! Dekile kot mwan. Les mwan obzerv bann komannman mon Bondye.

Psonm 119:63

Mon frekant tou dimoun ki respekte ou, ki obei ou bann direktiv.

Proverb 12:11

Sa enn ki kiltiv son later i annan bokou pour manze; sa enn ki fer bann rev initil i mank larezon.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Proverb 9:6

Aret frekantasyon bann inyoran e zot ava viv. Pran semen disernman.

Zeremi 15:17

Mon pa'n frekant dimoun ki pas zot letan anmize e fer lafet. Akoz mon ti anba ou lotorite, mon pa'n mel mwan avek zot e mon ti'n ranpli avek lakoler kont lepep.

1 Korentyen 15:33

Pa les zot ganny tronpe: Move frekantasyon, i gat repitasyon.

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.