Psonm 25:7 - Labib An Kreol Seselwa

⁷ Oubliy bann pese ek bann fot dan letan mon lazenes. Dan ou fidelite, mazin mwan akoz ou telman bon, SENYER.

Psonm 25:7 ပူးပေါင်းရင်းမြစ်များ

Liv Zob 13:26

Ou ekri bann keksoz terib kont mwan; ou fer mwan pey pour mon bann fot lazenes.

Liv Zob 20:11

Menm si son lekor ti ankor zenn e for, i pou al avek dan latonm.

Psonm 106:3

I byennere sa enn ki fer sa ki drwat e ki touzour pratik lazistis.

Psonm 106:4

SENYER! Mazin mwan, pran ka avek ou pep, sekour mwan.

Psonm 109:14

Fot son papa ek son gran papa ava reste la, devan SENYER e pese son manman pa pou ganny efase.

Psonm 109:16

Annefe, sa dimoun pa'n zanmen mazin fer sa ki byen, me in persekit dimoun ki pov, ki dan bezwen e bann malere ziska lanmor.

Psonm 109:26

Vin ed mwan, SENYER, mon Bondye! Ou kontan mwan. Sov mwan!

Psonm 119:124

Tret ou serviter dapre ou fidelite; ansenny mwan ou bann regleman.

Psonm 31:16

Fer ou regar briye lo mwan, ou serviter; dan ou fidelite, sov mwan.

Psonm 51:1

Mon Bondye! Dan ou gran fidelite, pran pitye pour mwan. Dan ou gran konpasyon, efas mon pese!

Psonm 6:4

Retournen SENYER! Delivre mwan. Akoz ou fidelite SENYER, sov mwan!

Psonm 79:8

Pa pini nou pour pese nou bann zanset. Pa tarde pour montre ou konpasyon pour nou. Nou'n tonm byen ba.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 48:11

Mon fer sa pour mon prop loner; wi, pour mon prop loner. Annefe, mon pa pou les mon non ganny sali. Mon pa pou donn personn mon laglwar.

Ezai 64:9

SENYER, pa pran tro lakoler! Pa toultan mazin nou pese. Plito, konsider nou tou koman ou pep.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Levanzil dapre Zan 5:14

Plitar, Zezi ti zwenn li dan Tanp. I ti dir li, “Ekout mwan! Aprezan ki ou'n geri, aret fer pese, sinon keksoz pli grav ava kapab ariv ou.”

Levanzil dapre Zan 5:5

Ti annan la en zonm ki ti malad depi 38 an.

Ebre 8:12

Annefe, mon pou pardonn zot, zot bann fot. Mon pa pou zanmen mazin ankor zot bann pese.