Psonm 25:5 - Labib An Kreol Seselwa

⁵ Gid mwan, ansenny mwan dan ou laverite. Ou menm Bondye ki sov mwan. Mon kont lo ou tou le zour.

Psonm 25:5 ပူးပေါင်းရင်းမြစ်များ

Proverb 8:34

Byennere sa enn ki ekout mwan! Byennere sa enn ki vey tou le zour kot mwan, e ki sirvey lantre mon lakaz.

Psonm 25:10

Dan tou son santye, SENYER i montre fidelite ek lwayote anver tou bann ki gard son lalyans ek son bann regleman.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Revelasyon 7:17

Annefe, Zenn Mouton ki dan milye tronn pou vin zot berze e i pou gid zot kot sours delo ki donn lavi. Bondye pou eswiy tou larm dan zot lizye.”

Levanzil dapre Zan 14:26

Me Konseye, Lespri Sen ki Papa pou anvoye an mon non, pou ansenny zot tou keksoz e fer zot rapel tou sa ki mon'n dir zot.

Levanzil dapre Zan 16:13

Kan Lespri laverite pou vini, i pou gid zot dan tou laverite. I pa pou koz avek son prop lotorite, me i pou dir zot tou sa ki i'n tande e i pou anons zot tou sa ki pou arive.

Psonm 88:1

SENYER, Bondye mon Sover! Lizour, lannwit mon kriy ver ou.

Psonm 79:9

Mon Bondye, nou sover! Vin sekour nou pour montre ou grander. Pour loner ou non, delivre nou e pardonn nou.

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

1 Zan 2:27

Kanta zot, Lespri ki zot in resevwar avek Kris, i reste dan zot e zot pa bezwen personn pour ansenny zot. Me son Lespri i ansenny zot tou keksoz. I pe ansenny zot tou sa ki vre, pa sa ki mansonz. Alor, parey Lespri in ansenny zot: Reste ini avek Kris.

Romen 8:14

Tou dimoun ki les li ganny gide par Lespri Bondye, zot bann zanfan Bondye.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Psonm 119:66

Ansenny mwan pour mwan ganny en bon disernman ek konnesans, akoz mon fer konfyans ou komannman.

Psonm 107:7

I ti gid zot lo en semen ki ti anmenn zot direk dan en lavil abite.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Ezai 54:13

SENYER ki pou edik tou ou bann zanfan, e zot pou viv dan lape.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Proverb 23:17

Pa zalou bann peser dan ou leker; me touzour annan respe anver SENYER,

Psonm 119:97

Pa mon kontan ou komannman! Mon medit lo la tou le zour.

Levanzil dapre Zan 6:45

Bann profet in ekri: Zot tou zot pou ganny ansennyen par Bondye li menm. Tou dimoun ki ekout mon Papa e ki resevwar son lansennyman i vin kot mwan.

Psonm 86:3

Pran pitye pour mwan, SENYER! Tou le zour mon kriy ver ou.

Psonm 24:5

I pou ganny benediksyon SENYER e rekonnet koman zis devan Bondye son Sover.

Psonm 22:2

Mon Bondye! Mon Bondye! Lizour mon apel ou, me ou pa reponn. Dan lannwit mon kriye, e mon pa ganny repo.

Psonm 119:33

SENYER! Fer mwan konpran ou bann komannman, pour mwan touzour met zot an pratik.

Psonm 119:26

Kan mon ti rakont ou mon lavi, ou ti reponn mwan. Ansenny mwan ou bann regleman.

Liv Zob 36:22

Gete koman Bondye i gran par son pwisans. Lekel ki kapab ansenny parey li?

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Psonm 25:8

SENYER i bon e zis, i remet bann peser lo bon semen.

Zenez 49:18

SENYER! Mon esper ou, e ou ava sov mwan.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.