Psonm 25:4 - Labib An Kreol Seselwa

⁴ SENYER! Fer mwan konn ou semen. Ansenny mwan viv koman oule.

Psonm 25:4 ပူးပေါင်းရင်းမြစ်များ

1 Rwa 8:36

ekout zot depi lesyel. Pardonn pese ou bann serviter, ou pep Izrael. Montre zot sa bon semen kot zot devre marse; fer lapli tonbe lo sa pei ki ou menm ou'n donn ou pep koman en patrimwann.

Psonm 119:27

Fer mwan sezi semen ou bann direktiv e mon ava medit lo ou bann mervey.

Psonm 143:8

Depi granmaten, anons mwan ou fidelite akoz mon fer ou konfyans. Fer mwan konnen ki semen mon devre swiv, akoz mon tourn ver ou.

Psonm 27:11

SENYER! Montre mwan ou semen. Akoz mon bann lennmi, kondwir mwan lo en semen san danze.

Psonm 5:1

SENYER! Ekout mon lapriyer. Pran ka avek mon konplent. Ekout mwan, akoz mon pe apel ou.

Psonm 5:8

SENYER! Akoz mon bann lennmi, gid mwan dan ou lazistis. Fer disparet tou danze lo semen ki ou'n trase pour mwan.

Psonm 86:11

SENYER! Montre mwan ou semen e mon ava mars dan ou laverite. Fer mon leker annan respe pour ou non.

Egzod 33:13

Alor SENYER, si mon'n resevwar ou faver, montre mwan ou semen, pour ki mon ava konn ou e resevwar ou faver. Pa oubliye ki sa nasyon i ou pep.”

Proverb 8:20

Mon mars lo semen lazistis, tou dilon bann santye laverite,

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Zeremi 6:16

La sa ki SENYER deklare: Aret en kou; plas ou lo krwaze semen; demande oli sa semen lontan, sa bon semen, swiv li e ou ava viv dan trankilite. Me zot in dir: Non! Nou pa pou swiv sa semen!