Psonm 25:3 - Labib An Kreol Seselwa

³ Pa les sa ki'n met zot konfyans dan ou ganny tronpe. Me fer onte sa enn ki trai ou san rezon.

Psonm 25:3 ပူးပေါင်းရင်းမြစ်များ

Zenez 49:13

Zabilon pou reste obor lanmer; i pou en por pour bann bato, e son teritwar pou ariv ziska Sidon.

1 Kronik 10:13

Sail ti mor akoz i pa ti fidel anver SENYER; i pa ti obei komannman SENYER. I ti'n osi al konsilte lespri bann mor.

Psonm 109:3

Par tou kote, zot koz bann parol laenn e zot atak mwan san okenn rezon.

Psonm 119:78

Fer onte bann orgeye ki trenn mwan dan labou. Mwan, mon pou medit lo ou bann direktiv.

Psonm 123:2

Parey en serviter ki gard son lizye fikse lo lanmen son met; parey en servant ki pa kit lanmen son met; nou osi, nou lev nou regar ver SENYER nou Bondye, ziska ki i pran pitye pour nou.

Psonm 132:18

Mon pou anvlop son bann lennmi dan laont. Me li, son kouronn pou klate lo son latet.

Psonm 22:6

Mon nepli en zonm. Mon ganny trete koman en lever. Dimoun i ensilte mwan, zot tou zot mepriz mwan.

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Psonm 31:17

SENYER! Pa les mwan ganny dezapwente, akoz mon'n kriy ver ou; me imilye mon bann lennmi. Fer bann malfeter desann an silans dan lemonn lanmor.

Psonm 31:18

Ferm labous sa bann manter ki koz avek ensolans, avek larogans ek mepri kont bann ki zis.

Psonm 33:20

Nou'n met nou lespwar dan SENYER. Li menm ki nou lafors e nou protekter.

Psonm 35:26

Fer sa bann ki kontan mon maler kanmi e onte. Ki sa bann ki montre larogans i ganny kouver avek laont ek dezoner.

Psonm 37:34

Met ou konfyans dan SENYER e swiv son semen. I ava fer ou loner posed sa pei e ou ava war malfeter ganny detri.

Psonm 6:10

Tou mon bann lennmi pou onte e zot pou per; zot pou rekile, en sel kou, kouver avek laont.

Psonm 62:1

Zis Bondye ki fer mwan konn trankilite. Zis li tousel ki kapab sov mwan.

Psonm 62:5

Zis Bondye ki fer mwan konn trankilite, akoz mon'n met mon lespwar dan li.

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Psonm 69:6

Senyer BONDYE liniver! Fodre pa ki dimoun ki'n met zot lespwar dan ou i ganny imilye akoz mwan. Bondye Izrael! Ki personn ki'n met son konfyans dan ou i ganny abese akoz mwan.

Psonm 71:13

Fer dimoun ki akiz mwan tonbe e ganny kouver ek laont; e sa bann ki rod mon maler tonm dan dezoner ek imilyasyon!

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Lamantasyon 3:25

SENYER i bon anver tou sa ki met son konfyans dan li; anver sa enn ki met son lespwar dan li.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

Levanzil dapre Zan 15:25

Me sa i arive, pour ki sa parol ki'n ganny ekri dan zot lalwa i ganny akonpli: Zot in ay mwan san okenn rezon.

Romen 8:25

Me si nou esper sa ki nou pa ankor war, nou esper avek pasyans.