Psonm 25:2 - Labib An Kreol Seselwa

² Mon Bondye! Mon'n fer ou konfyans; pa tronp mwan. Pa les mon bann lennmi ganny laviktwar.

Psonm 25:2 ပူးပေါင်းရင်းမြစ်များ

2 Kronik 13:18

Konmsa ki bann Izraelit ti ganny kraze. Bann Zideen ti ranport laviktwar, akoz zot ti apiy lo SENYER, Bondye zot zanset.

Psonm 13:5

Me mwan, mon'n met mon konfyans dan ou fidelite. Mon leker i kontan akoz ou'n delivre mwan.

Psonm 142:6

Ekout mon lapel akoz mon'n tonm byen ba. Delivre mwan kont mon bann persekiter, akoz zot pli for ki mwan.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 22:1

Mon Bondye! Mon Bondye! Akoz ou'n abandonn mwan? Akoz ou reste sitan lwen avek mwan? Akoz ou pa ekout mon lapel?

Psonm 22:5

Zot ti kriy ver ou, e zot ti ganny delivre. Zot ti fer ou konfyans e zot pa'n dezapwente.

Psonm 22:8

In met son konfyans dan SENYER. Alor, ki SENYER i delivre li. SENYER ava delivre li akoz i kontan li.

Psonm 31:1

SENYER! Mon'n ganny labri kot ou. Pa zanmen les mwan ganny imilye. Dan ou lazistis, delivre mwan!

Psonm 31:15

Mon bann zour i dan ou lanmen. Delivre mwan dan lanmen mon bann lennmi ki persekit mwan.

Psonm 31:2

Ekout mwan! Delivre mwan. Ou menm mon Ros protekter, mon fortres ki protez mwan.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 37:40

SENYER i ed zot e i sov zot. I delivre zot kont bann malfeter e i sov zot, akoz zot pran li koman zot labri.

Psonm 41:11

Mon ava rekonnet ou lanmour pour mwan, kan mon bann lennmi ava aret kriy laviktwar lo mwan.

Psonm 56:1

Mon Bondye! Pran pitye pour mwan; dimoun pe pourswiv mwan. Tou le zour zot atak mwan e zot kraz mwan.

Psonm 7:1

SENYER, mon Bondye! Mon vin pran refiz kot ou. Sov mwan! Delivre mwan avek mon bann persekiter,

Psonm 71:1

SENYER! Mon vin pran refiz kot ou. Pa les mwan toultan ganny imilye.

Psonm 91:2

i kapab dir avek SENYER: Ou menm mon labri e mon fortres; ou menm mon Bondye dan ki mon'n met mon konfyans.

Psonm 94:3

SENYER! Ziska kan sa bann malfeter? Ziska kan bann malfeter pou kontinyen fer lafet?

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Ezai 37:10

La sa ki ou ava dir Ezekyas, lerwa Zida: Pa les ou Bondye dan ki ou'n met ou konfyans, anbet ou ler i dir ou ki Zerizalenm pa pou tonm dan lanmen lerwa Asiri.

Ezai 37:20

Aprezan, SENYER nou Bondye, sov nou dan lanmen Senakerib; konmsa, tou bann rwayonm lo later ava konnen ki ou tousel ki SENYER.

Ezai 37:35

Mon pou defann sa lavil pour mwan sov li, pour mon prop loner e akoz mon serviter David.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Romen 10:11

Annefe, Lekritir i deklare: Sa enn ki krwar dan li, pa pou dezapwente.

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.

1 Pyer 2:6

Annefe, Lekritir i deklare: La mon poz dan Siyon en ros. En ros kwen presye ki'n ganny byen swazir. Sa enn ki krwar dan li pa pou dezapwente.