Psonm 24:7 - Labib An Kreol Seselwa

⁷ Bann laport! Ouver gran zot batan. Ouver gran laport antik. Les sa gran lerwa antre.

Psonm 24:7 ပူးပေါင်းရင်းမြစ်များ

2 Samyel 6:17

Apre ki zot ti'n anmenn Kof SENYER, e depoz li dan son plas, dan en latant ki David ti'n prepare pour li, David ti ofer devan SENYER sakrifis konplet ek sakrifis lape.

1 Rwa 8:11

Alor, akoz sa nyaz, sa bann pret pa ti kapab reste pour fer servis, akoz laglwar SENYER ti ranpli tanp SENYER.

1 Rwa 8:6

Bann pret ti anmenn Kof lalyans SENYER e met li dan son plas dan sanktyer, dan Lasal Tre Sen, anba lezel seriben.

Psonm 132:8

Leve SENYER! Al dan ou landrwa repo, ou, avek Kof lalyans kot ou pwisans i ete.

Psonm 21:1

SENYER! Lerwa i dan lazwa akoz ou for. I tre zwaye ou'n sekour li.

Psonm 21:5

Gras a ou led, son laglwar in vin gran; i'n ganny kouver avek splander ek mazeste.

Psonm 97:6

Lesyel i proklanm son lazistis; tou bann pep in war son laglwar.

Ezai 26:2

Ouver bann laport! Les antre sa nasyon drwat e fidel dan lafwa.

Ezai 62:10

Zabitan Zerizalenm! Travers bann laport lavil! Degaz semen pour lepep. Nivle larout! Repar semen; tir tou ros; lev bannyer pour bann pep!

Mise 4:8

Ou, Tour ki vey lo troupo, kolin fiy Siyon! Ou pou retrouv ou lotorite ki ou ti annan avan. Zerizalenm pou vin lavil kapital.

Agze 2:7

Mon pou boulvers tou bann nasyon; mon pou fer zot anmenn isi zot gran kantite larises; mon pou ranpli sa tanp avek laglwar, SENYER liniver ki deklare.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Mark 16:19

Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.

1 Korentyen 2:8

Okenn dirizan sa lemonn pa'n deza konn sa lasazes. Si zot ti'n konnen, zot pa ti ava'n krisifye Senyer laglwar.

Let Zak 2:1

Mon bann frer! Zot ti krwar dan nou glorye Senyer Zezi-Kri, zot pa devre fer preferans pour personn.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.