Psonm 24:4 - Labib An Kreol Seselwa

⁴ Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Psonm 24:4 ပူးပေါင်းရင်းမြစ်များ

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Liv Zob 9:30

Si mon al lav mwan avek lannez, e netway mon lanmen avek lapoud savon,

Psonm 143:8

Depi granmaten, anons mwan ou fidelite akoz mon fer ou konfyans. Fer mwan konnen ki semen mon devre swiv, akoz mon tourn ver ou.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Psonm 18:20

SENYER i rekonpans mwan akoz mon'n reste fidel; i beni mwan akoz mon lanmen i prop.

Psonm 25:1

SENYER! Mon vin kot ou.

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Psonm 51:12

Redonn mwan lazwa ou delivrans e en lespri zenere ava soutenir mwan.

Psonm 73:1

Wi! Bondye i bon anver Izrael; anver dimoun avek en leker pir.

Proverb 20:9

Lekel ki kapab dir: Mon leker i kler; mon pa'n komet okenn pese?

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Ezekyel 18:15

I pa manz sa ki'n ganny ofer devan zidol lo montanny; i pa ador bann zidol Izrael e i pa sali repitasyon fanm son prosen;

Ezekyel 18:6

ki pa manz sa ki'n ganny ofer devan bann zidol lo montanny, ni ador bann zidol Izrael, i pa sali repitasyon fanm son prosen, ni annan relasyon seksyel avek en fanm pandan son reg.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 5:8

Byennere bann ki annan leker pir, akoz zot pou war Bondye!

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Akt de Zapot 15:9

I pa ti fer okenn diferans ant zot ek nou; me i ti pirifye zot leker, akoz zot in krwar.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

1 Timote 1:10

pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

1 Timote 2:8

Alor, mon demande ki bann zonm i priye partou; ki zot lev lanmen ver lesyel avek en leker pir, san okenn lakoler, ni dispit.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.