Psonm 23:1 - Labib An Kreol Seselwa

¹ SENYER i mon berze. Mon pa pou mank nanryen.

Psonm 23:1 ပူးပေါင်းရင်းမြစ်များ

Psonm 34:11

Mon bann zanfan! Vini. Ekout mwan. Mon ava ansenny zot respe pour SENYER.

Psonm 78:52

Apre sa, i ti fer sorti son pep koman en troupo e gid zot dan dezer koman bann mouton.

Psonm 79:13

Alor, nou ou troupo, nou ava loue ou pour touzour. Nou ava sant ou louanz pour touzour.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Ezekyel 34:14

Mon pou nouri zot dan bann bon laplenn zerb e lo bann montanny Izrael. Zot ava ganny bann laplenn avek zoli zerb pour dormi e pour manze lo bann montanny Izrael.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Levanzil dapre Zan 10:11

Mwan menm bon berze. Bon berze i donn son lavi pour son bann mouton.

Levanzil dapre Zan 10:14

Mwan menm sa bon berze. Mon konn mon bann mouton, e mon bann mouton zot konn mwan.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Filipyen 4:19

Dan son larises, mon Bondye ava donn zot tou sa ki zot bezwen, par Zezi-Kri.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.

Revelasyon 7:17

Annefe, Zenn Mouton ki dan milye tronn pou vin zot berze e i pou gid zot kot sours delo ki donn lavi. Bondye pou eswiy tou larm dan zot lizye.”