Psonm 22:8 - Labib An Kreol Seselwa

⁸ In met son konfyans dan SENYER. Alor, ki SENYER i delivre li. SENYER ava delivre li akoz i kontan li.

Psonm 22:8 ပူးပေါင်းရင်းမြစ်များ

Liv Zob 16:4

Si zot ti dan mon plas, e si mon ti dan zot plas, mwan osi, mon ti pou kapab koz parey zot. Mon ti ava kapab fer gran diskour pour zot e sekwe mon latet kont zot.

Psonm 109:25

Mon bann akizater i gognard mwan; ler zot war mwan dan semen, zot sekwe latet.

Psonm 18:19

In tir mwan dan danze, in liber mwan; in sov mwan, akoz i kontan mwan.

Psonm 37:5

Konfye SENYER ou lavi. Remet tou sa ki ou fer dan lanmen SENYER.

Psonm 42:10

Zot bann lensilt i kraz mwan ziska dan mon lezo. Tou le zour zot demann mwan: Oli ou Bondye?

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Psonm 71:11

Zot dir: Bondye in abandonn li; napa personn pou delivre li, annou depese atrap li.

Psonm 91:14

Mon pou delivre sa enn ki kontan mwan. Mon pou protez sa enn ki konn mon non.

Proverb 16:3

Konfye ou travay avek SENYER, e ou ava realiz ou bann proze.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Matye 12:18

La mon serviter ki mon'n swazir, sa enn ki mon kontan, e dan ki mon'n met tou mon lazwa. Mon pou met mon Lespri lo li, pour li anons lazistis avek tou bann nasyon.

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Levanzil dapre Lik 23:35

Lepep ti pe debout la pour gete. Bann sef Zwif ti boufonn li: I ti sov lezot! Si li menm Mesi, sa enn ki Bondye in swazir, sov son lekor aprezan!