Psonm 22:6 - Labib An Kreol Seselwa

⁶ Mon nepli en zonm. Mon ganny trete koman en lever. Dimoun i ensilte mwan, zot tou zot mepriz mwan.

Psonm 22:6 ပူးပေါင်းရင်းမြစ်များ

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

Liv Zob 25:6

kisisa en et imen devan Bondye? Pa i zis en lever?

Psonm 25:3

Pa les sa ki'n met zot konfyans dan ou ganny tronpe. Me fer onte sa enn ki trai ou san rezon.

Psonm 31:1

SENYER! Mon'n ganny labri kot ou. Pa zanmen les mwan ganny imilye. Dan ou lazistis, delivre mwan!

Psonm 31:11

Mon bann lennmi i ensilte mwan; mon bann vwazen i mepriz mwan; mon fer per bann ki konn mwan. Ler zot war mwan dan semen, zot sove.

Psonm 41:5

Mon bann lennmi i dir dimal lo mwan. Zot demande kan mon pou mor e mon non ava disparet.

Psonm 88:8

Ou'n fer mon bann zanmi abandonn mwan; ou'n fer mwan vin degoutan pour zot. Mon'n ganny anfermen san okenn sans sorti.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Lamantasyon 3:30

I devre donn lot lazou avek sa enn ki tap li; i devre aksepte ganny ensilte.

Matye 11:19

Fis-de-Lonm in vini; i manze e i bwar, e zot dir: Gete! I mazin zis manze e bwar, i zanmi bann kolekter taks ek dimoun ki annan move repitasyon. Me Lasazes i ganny zistifye par son bann aksyon.”

Matye 12:24

Me kan bann Farizyen ti antann sa, zot ti dir, “Sa zonm i sas demon avek pouvwar sef demon, Belzebil.”

Levanzil dapre Zan 7:15

Bann Zwif ti etonnen. Zot ti dir, “Kote i ganny sa gran konnesans, i pa'n fer okenn letid?”

Levanzil dapre Zan 7:20

Lafoul ti reponn li, “Ou annan en demon dan ou. Lekel ki pe esey touy ou?”

Levanzil dapre Zan 8:48

Bann Zwif ti reponn Zezi, “Pa nou annan rezon dir ki ou en Samariten, e ki ou posede par en demon?”

Ebre 13:12

Pour sa rezon ki Zezi osi ti mor an deor laport lavil, pour ki lepep i ganny pirifye par son prop disan.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.