Psonm 20:8 - Labib An Kreol Seselwa

⁸ Alor, zot pou pliye e tonbe. Me nou, nou pou reste debout.

Psonm 20:8 ပူးပေါင်းရင်းမြစ်များ

2 Rwa 19:23

Par lentermedyer ou bann mesaze, ou'n ensilte SENYER, e ou'n dir: Avek mon bann kales lager mon'n mont lo latet bann montanny, ziska dan landrwa pli retire dan Liban. Mon'n koup son pli gran pye sed, ek son bann pli zoli sipre. Mon'n penetre dan son montanny pli o e dan fon son lafore.

2 Kronik 14:10

Asa ti al rankontre li. I ti pran pozisyon lager dan vale Sefata, pre avek Maresa.

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

Esdras 8:22

Mon ti pou kanmi pour demann lerwa en troup solda pour eskort nou, avek bann kavalye pour protez nou kont lennmi dan nou semen, akoz nou ti'n dir lerwa: Lanmen nou Bondye i avek tou sa ki rod li. Me lafors son lakoler i kont tou bann ki abandonn li.

Psonm 124:8

Nou sekour i dan non SENYER ki'n fer lesyel ek later.

Psonm 125:1

Sa enn ki met son konfyans dan SENYER, i parey montanny Siyon: Personn pa kapab bouz li; i reste la pour touzour.

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Psonm 33:17

En seval pa kapab donn laviktwar; son gran lafors pa sov son kavalye.

Proverb 21:31

Seval i ganny ekipe pour zour konba; me SENYER ki donn laviktwar.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Mise 7:8

Ou mon lennmi! Pa rezoui lo mwan. Si mon'n tonbe, mon pou leve. Si mon pe asiz dan fernwanr, SENYER i mon lalimyer.

Zozye 11:4

Alor, zot ti sorti avek tou zot larme, en latroup nonbre parey disab obor lanmer. Zot ti annan en kantite seval ek kales lager.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

1 Samyel 17:45

David ti dir sa Filisten, “Ou, ou vin kont mwan avek lepe ek lans; me mwan, mon vin lo non SENYER liniver, Bondye bann troup Izrael, ki ou'n ensilte.