Psonm 20:7 - Labib An Kreol Seselwa

⁷ Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Psonm 20:7 ပူးပေါင်းရင်းမြစ်များ

2 Samyel 10:18

Bann Siriyen ti bezwen sove devan Izrael; David ti touy 700 solda lo seval, e 40,000 solda apye, zot zeneral, Sobak ti mor la.

2 Samyel 8:4

David ti pran prizonnyen 1700 zonm seval, 20,000 solda apye. I ti koup zaret tou bann seval, me i ti gard en santenn pour li.

2 Kronik 13:16

Bann gerye Izraelit ti sove pour esey sape, me Bondye ti livre zot dan lanmen bann gerye Zida.

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

2 Kronik 32:8

Avek li, i annan zis lafors imen, me SENYER, nou Bondye i avek nou. Li menm nou sekour e i pou konbat dan nou plas. Parol Ezekyas, lerwa Zida, ti donn konfyans lepep.

Liv Zob 39:11

Eski ou kapab fye li akoz son gran lafors, e les li fer tou travay dir?

Psonm 28:8

SENYER i lafors son pep; i defann li e i sov sa enn ki i'n konsakre.

Psonm 45:17

Mon pou fer rapel ou non dan tou bann zenerasyon. Alor, tou bann pep ava loue ou pour touzour.

Proverb 21:31

Seval i ganny ekipe pour zour konba; me SENYER ki donn laviktwar.

Ezai 30:16

Ou'n dir: Non! Nou pou sove lo seval. Alor, zot pou sove! Zot dir osi: Nou bann seval i rapid! Alor! Bann ki pourswiv zot pou osi rapid.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Zeremi 17:5

La sa ki SENYER i deklare: Mon modi sa zonm ki met son konfyans dan zonm, ki met son konfyans zis dan zonm, ki rod son lafors dan bann mwayen imen. Son leker i lwen avek SENYER.

1 Samyel 13:5

Bann Filisten ti rasanble pour konbat Izrael. Zot ti annan 30,000 kales lager, 6,000 kales avek seval, e en gran troup zonm parey gren disab lo bor lanmer. Zot ti etabli zot kan Mikmas, Les avek Bet-Aven.

1 Samyel 2:10

Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.