Psonm 20:6 - Labib An Kreol Seselwa

⁶ Aprezan, mon konnen ki SENYER pou sov sa enn ki i'n konsakre. Depi son sanktyer dan lesyel, i pou reponn li e donn li gran laviktwar par lafors son lanmen drwat.

Psonm 20:6 ပူးပေါင်းရင်းမြစ်များ

1 Rwa 8:30

Ekout siplikasyon ou serviter ek ou pep Izrael ler nou pou vin priye dan sa landrwa. Ekoute, depi ou demer dan lesyel! Ekoute, e pardonnen.

1 Rwa 8:43

depi ou demer dan lesyel, ekoute kan sa etranze i envok ou; egzos tou son reket ver ou, parey ou pep Izrael. Zot ava rekonnet ki ou non i ganny envoke la, dan sa lakaz ki mon'n konstri.

Psonm 17:7

Montre mwan ou fidelite. Ou ki sov bann ki vin pran refiz kot ou, kont zot bann ladverser.

Psonm 18:35

Ou donn mwan ou boukliye laviktwar. Ou soutenir mwan avek ou lanmen drwat. Ou led in rann mwan for.

Psonm 18:50

SENYER i donn son lerwa bokou laviktwar. I montre son fidelite anver sa enn ki i'n konsakre, anver David ek son desandans pour touzour.

Psonm 2:2

Bann lerwa lo later, zot pran zot pozisyon; bann dirizan, zot fer konplo ant zot kont SENYER ek sa enn ki i'n swazir. Zot dir:

Psonm 28:8

SENYER i lafors son pep; i defann li e i sov sa enn ki i'n konsakre.

Psonm 41:11

Mon ava rekonnet ou lanmour pour mwan, kan mon bann lennmi ava aret kriy laviktwar lo mwan.

Psonm 9:15

Bann nasyon in tonm dan trou ki zot ti'n fouye; zot in pri dan latrap ki zot ti'n mete.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 58:9

Alor, ou ava apel osekour. Mwan SENYER, mon pou reponn ou. Ou pou kriy osekour e mon pou dir ou: La mon la. Si ou tir sa bann fardo ki parmi lepep, si ou aret akize e dir dimal,

Ezai 63:15

Port atansyon depi lesyel ki ou demer sen e glorye. Oli ou lanmour ek ou lafors? Oli ou leker ranpli avek konpasyon? Mon pa merit tousala.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Matye 6:9

La ki mannyer zot devre priye: Nou Papa ki dan lesyel! Nou demande ki ou non sen i ganny glorifye,

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Akt de Zapot 2:36

Pep Izrael antye i devre alor konnen avek sertitid ki sa Zezi ki zot in klout lo lakrwa, li menm ki Bondye in fer Senyer e Mesi.”

Akt de Zapot 4:10

Alor, i enportan ki zot tou, zot ek pep Izrael antye, zot konnen ki, si sa zonm i la devan zot konpletman an bonn sante, se par non Zezi-Kri, sa Nazareen ki zot ti krisifye e ki Bondye in resisite.

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.