Psonm 2:12 - Labib An Kreol Seselwa

¹² rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 2:12 ပူးပေါင်းရင်းမြစ်များ

Zenez 41:40

Mon pou met ou ansarz mon pei. Tou mon pep pou soumet anba ou lord. Zis mwan ki pou par lao ou, akoz mon lerwa.”

1 Rwa 19:18

Me, mon pou les 7,000 zonm dan Izrael; sa i tou sa bann ki pa'n ador Baal, ki pa'n anbras li.”

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 109:20

Konmsa menm ki SENYER ava rekonpans mon bann akizater, sa bann ki dir dimal kont mwan.

Psonm 2:5

Dan son lakoler, i pou reprimann zot. Dan son gran lakoler i pou fer zot tranble. I pou dir zot:

Psonm 2:7

Mon pou proklanm bann regleman SENYER. I ti dir mwan: Ou mon garson; ozordi mon'n vin ou papa.

Psonm 31:20

Ou kasyet zot dan sekirite ou prezans. Ou kasyet zot kont konplo zot bann lennmi.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 34:9

Zot son bann sen, annan respe pour SENYER! Sa enn ki annan respe pour li, pa mank nanryen.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.

Psonm 84:12

SENYER liniver! I byennere sa enn ki met son konfyans dan ou.

Proverb 16:20

Sa enn ki konn fer zafer ava prospere; sa enn ki fer konfyans SENYER ava ere.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Zeremi 17:7

Me mon beni sa zonm ki met son konfyans dan SENYER, e ki kont antyerman lo SENYER.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Sofoni 2:2

avan ki en lord i sorti, avan sa zour i anvole parey en bren lapay, avan ki gro lakoler SENYER i tonm lo zot, avan ki sa zour lakoler SENYER i arive!

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Romen 10:11

Annefe, Lekritir i deklare: Sa enn ki krwar dan li, pa pou dezapwente.

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

Efezyen 1:12

Nou ki ti bann premye pour met nou lesperans dan Kris, annou loue Bondye dan son grander!

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Pyer 2:6

Annefe, Lekritir i deklare: La mon poz dan Siyon en ros. En ros kwen presye ki'n ganny byen swazir. Sa enn ki krwar dan li pa pou dezapwente.

1 Samyel 10:1

Samyel ti pran en fyol delwil, ki i ti vers lo latet Sail. I ti anbras li e dir li, “SENYER i konsakre ou koman sef lo son patrimwann.